BIACEIHTU 18:20 - Lai (Hakha) Common Language Bible 2006

²⁰ Cun tlangbawi cu a lung a lawm; tlangbawi angki le milem tete le suaimi milem kha a lak hna i mi hna sinah cun a kal.

BIACEIHTU 18:20 Խաչաձեւ Հղումներ

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

LAMKALTU 20:33

Ahohmanh an ngun zong ka hngar hna lo, an sui zong ka hngar hna lo, an hnipuan zong ka mit an thi bal lo.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

EZEKIEL 13:19

Nannih nih ka mi hna hmaiah barli pei khat ruang le changreu pelpawi ruangah nan ka thurhhnawmh cang, nannih nih lihbia ngaih a duh ngaimi ka mi hna sinah lih nan chimnak thawngin, a thi hnga lo ding kha nan thihter hna i a nung hnga lo ding kha nan nunter hna.

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

PHUNGTHLÛKBIA 30:15

Cangvat nih fanu pahnih a ngeih hna; pakhat nih, “Ka pe,” a ti i a dang pakhat nih, “Ka pe,” tiah a ti ve. thil pathum cim hngal lo an um; thil pali “A za cang” a ti bal lomi an um:

BIACEIHTU 17:10

Cun Mikah nih amah cu a thawh i, “Ka sinah um law, ka caah pa le tlangbawi ah cang law, kum khat ah ngun phar hra lengmang kan pek lai, cun hnipuan hruk khat le na nuncannak zong,” tiah a ti.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

BIACEIHTU 18:19

Cun annih nih amah cu, “Dai tein um ko, na kaa cu na kut in hup ko, kan sinah ra law, kan caah pa le tlangbawi si ko. Nangmah caah mipa pakhat innchungkhar ca i tlangbawi si maw a ṭha deuh. Israel mi chung i phun khat le hrin khat ca i tlangbawi si dah a ṭha deuh?” tiah an ti.

BIACEIHTU 18:21

Cucaah an i mer i an kal, ngakchia hna le saṭil hna le thil hna kha an hmaiah an chiah hna.

EZEKIEL 21:21

Zeicahtiah Babilon siangpahrang cu lam an i ṭhennak, lam ṭeka ah khan li kha tin a hmang tawn. Camcawhnak thal kha a zoh hna i chungkhar siasal kha an ruahnak a hal hna, sa hnit kha a zoh hna.