BIACEIHTU 16:17 - Lai (Hakha) Common Language Bible 2006

¹⁷ Cun a ruahnak vialte kha a chimh i a sinah, “Lu-ei nam zeihmanh nih ka lu a tawng bal lo; zeicahtiah kei cu ka nu paw chungin Pathian ca i Nazir mi ka si. Ka lu hi meh ahcun ka thazang nih hin a ka kaltak lai i ka der lai i midang bantuk cio ka si ve ko lai,” tiah a ti.

BIACEIHTU 16:17 Խաչաձեւ Հղումներ

MIKAH 7:5

Na innpa kha va zum hlah, na hawikom zong vaa bochan hlah. Na nupi sin i na chimmi hmanh kha vaa ralring.

PHUNGTHLÛKBIA 12:23

Mifim nih cun a fimnak kha a langhter lo, Sihmanhsehlaw mihrut nih cun a hruhnak kha a thanh in a thanh.

BIACEIHTU 13:5

zeitintiah, zohhmanh, fa na pawi lai i fapa na hrin lai. Lu mehnak nam nih a lu a tawng lai lo, zeicahtiah ngakchiapa cu a chuahka in Bawipa ca i Nazir mi a si lai; cun amah nih Israel mi cu Filistin mi hna kut chungin chuah hram a thawk lai,” tiah a ti.

NAMBAR 6:5

“I thleidan awk i bia aa kam chung vialte cu a lu cu namte zeihmanh nih a tawng lai lo; Bawipa ca i aa thleidannak a caan a tlin hlantiang cu a thiang lai; a sam kha aa zuah lai.

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

PHUNGTHLÛKBIA 29:12

Uktu nih lihbia kha a ngaih ahcun, a kut toi ummi bawi vialte kha miṭhalo an si lai.

NAMBAR 6:2

“Israel mi cu va chim tuah hna, pa nih siseh, nu nih siseh a si khunmi biakamnak, Nazir biakamnak, Bawipa sin i i thleidan awkah a tuah tikah,

BIACEIHTU 16:16

Cun ni khat hnu ni khat a bia in a rial lengmang i a lem lengmang tikah, a lungthin cu thih tiangin a ing a puang.

BIACEIHTU 16:18

Delilah nih a ruahnak vialte kha a ka chimh dih cang tiah a hngalh tikah, Filistin bawi hna kha bia a cah hna i a auh hna i, “Atu voi khat te cu hung rih tuah u, zeitintiah a ruahnak vialte a ka chimh dih cang,” tiah a ti. Cun Filistin bawi hna cu a sinah an hung i an kut in phaisa kha an i put.

PHUNGTHLÛKBIA 13:3

Na biachimmi kha i ralring law na nunnak kha naa veng kho lai, ralrin loin bia a chimmi nih cun amah lila kha aa hrawk ko.