BIACEIHTU 15:15 - Lai (Hakha) Common Language Bible 2006

¹⁵ Cun laa kharuh tharte hi a hmuh i a hei banh i a hei lak i mah cu cun mi thong khat a thah hna.

BIACEIHTU 15:15 Խաչաձեւ Հղումներ

JOSHUA 23:10

Bawipa nan Pathian nih bia an kam hna bangin amah cu an dohpiaktu hna kha a si caah, nan lak i mi pakhat nih thong khat kha a dawi hna.

LEVITIKAS 26:8

Nannih lak i panga nih za khat nan dawi hna lai i nannih lak i za khat nih thong hra nan dawi hna lai; nan ral hna cu nan hmaiah vainam in an tlu lai.

BIACEIHTU 3:31

Amah hnuah cun Anath fapa Shamgar a hung si, Filistin mi za ruk caw tuknak fung in a thah hna; amah zong nih Israel kha a luatter ve.

1 SAMUEL 14:14

cun cu thahnak hmasa bik Jonathan le a ralthuam putu nih an tuahmi cu, tlangrel tuhnak kauh vawlei ah khin, leileh rinkuar a cheu can tluk ah khin, mi pakul tluk an thi.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

BIACEIHTU 7:16

Cun mi za thum kha phu thum ah a cheu hna i an dihlak in an kut chungah muko le thawllawng, a chung i meifar a ummi kha, a pek cio hna.

BIACEIHTU 4:21

Sihmanhsehlaw Heber nupi Jael nih cun puan thlam khenhnak fung le sobul aa lak i, a baa i aa hngilh hluahmah lioah khan a sinah cun a thli tein a va kal i a phuzep ah a khenh, a tleng i vawlei ah aa bunh. Cucaah a thi.

HEBRU 11:34

mei ṭihnung kha an hmih i vainam thahnak in an luat. Annih cu an rak der, sihmanhsehlaw miṭhawng ah an cang, raltuknak hmun ah khan a ṭhawngmi an si i ramdangmi ralkap kha an tei hna.

BIACEIHTU 15:16

Cun Samson nih cun, “Laa kharuh in ka pon tengtung ko hna, Laa kharuh in mi thong khat ka thah hna,” tiah a ti.

BIACEIHTU 15:17

A biachim cu a dih tikah a kut chungin laa kharuh cu a hlonh i cu hmun cu Ramath-lehi tiah kawh a si.

LEVITIKAS 26:7

Nan ral kha nan dawi hna lai i nan hmaiah vainam in an tlu lai.

2 SAMUEL 23:8

Mah hna hi David nih a ngeihmi miṭhawng hna min cu an si: Takhemon mi Josheb-basshebeth amah cu pathum hna lak i haotu bik a si; amah nih ṭum khat ah minung za riat kha a fei in a thah hna.