BIACEIHTU 14:20 - Lai (Hakha) Common Language Bible 2006

²⁰ Cun Samson nupi cu, a hawipa, a kawi a rak simi kha an pek.

BIACEIHTU 14:20 Խաչաձեւ Հղումներ

BIACEIHTU 15:2

Cun a pa nih cun, “Amah cu na huat hrimhrim ko tiah pei ka rak ruah taktak cu; cucaah cun amah cu na hawipa sinah khan ka rak pek cang. A nau hi amah nakin aa dawh deuh ko lo maw? Amah tu hi i lak ko, tiah kan nawl,” tiah a ti.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

MIKAH 7:5

Na innpa kha va zum hlah, na hawikom zong vaa bochan hlah. Na nupi sin i na chimmi hmanh kha vaa ralring.

JEREMIAH 9:5

An hawikom kha lentecelhnak ah an hman hna i Biatak kha an chim bal lo; An lei kha lihchim an cawnpiak hna. An sualnak chungah thuk piin an um i an kir kho ti lo.

BIACEIHTU 15:6

Cun Filistin mi nih, “Aho nih dah mah hi a tuah?” tiah an ti. Cun annih nih, “Timnah mipa i a tupa, Samson nih khan a tuah, zeicahtiah a nupi kha a lakpiak i a hawipa kha a pek,” tiah an ti. Cun Filistin mi cu an ra i amah le a pa kha mei in an khangh hna.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

1 SAMUEL 18:19

Sihmanhsehlaw Saul fanu Merab cu David he ṭhitter awk caan ah khan, Meholah mi Adriel sinah nupi caah a pek.