BIACEIHTU 14:15 - Lai (Hakha) Common Language Bible 2006

¹⁵ A ni linak ni ah Samson nupi cu, “Na va cu, biahleng kha zei a si a kan chimh nakhnga lem tuah, cu ti a si lo ahcun nangmah le na pa innchungkhar cu mei in kan in khangh hna lai. Kannih kha sifak i umter awkah maw hika ah na kan sawm?” tiah an ti.

BIACEIHTU 14:15 Խաչաձեւ Հղումներ

BIACEIHTU 16:5

Cun Filistin bawi hna kha a sinah an ra i, “Lem law, a thazang ṭhapi hi khuazei ah dah a um i zei lam in dah kan tei khawh i kan ṭem khawh i kan hrilh khawh lai, hngalh i zuam tuah; cun kannih nih ngun phar thong khat le za khat cio kan in pek lai,” tiah an ti.

BIACEIHTU 15:6

Cun Filistin mi nih, “Aho nih dah mah hi a tuah?” tiah an ti. Cun annih nih, “Timnah mipa i a tupa, Samson nih khan a tuah, zeicahtiah a nupi kha a lakpiak i a hawipa kha a pek,” tiah an ti. Cun Filistin mi cu an ra i amah le a pa kha mei in an khangh hna.

MIKAH 7:5

Na innpa kha va zum hlah, na hawikom zong vaa bochan hlah. Na nupi sin i na chimmi hmanh kha vaa ralring.

PHUNGTHLÛKBIA 6:26

Zeicahtiah hlawhhlangnu cu changreu hlum khat in hlan khawh a si ko, sihmanhsehlaw a va cungin pa aa duhmi nih cun mipa nunnak hrimhrim kha tlaih aa tim.

PHUNGTHLÛKBIA 5:3

Nu zuangzam hmur in khuaihliti dor an tla i a biachimmi cu chiti nakin a nal deuh.

PHUNGTHLÛKBIA 1:11

Annih nih an in thawh i, “Kan sinah ra ve, thisen chuah awkah bawh hna u sih, A sual lomi cu thlachiat ruat loin lamhruang ah hna u sih;

BIACEIHTU 12:1

Efraim mi hna cu, hriamnam i lak u, tiah ti an si i Zafon ah an va kal i Jepthah sinah cun, “Zeicahdah Ammon mi hna doh awkah tiva kha na tan i kannih kha nangmah sin i kal awkah na kan auh lo? Na inn ah kan in duah chih lai,” tiah an ti.

BIACEIHTU 14:14

Cun anih nih, “Eitu chungin ei awk a chuak. A ṭhawngmi chungin a thlummi a chuak,” tiah a ti hna. Cun annih nih cu biahleng cu zei a si kha ni thum chung an hngal kho lo.