BIACEIHTU 13:5 - Lai (Hakha) Common Language Bible 2006

⁵ zeitintiah, zohhmanh, fa na pawi lai i fapa na hrin lai. Lu mehnak nam nih a lu a tawng lai lo, zeicahtiah ngakchiapa cu a chuahka in Bawipa ca i Nazir mi a si lai; cun amah nih Israel mi cu Filistin mi hna kut chungin chuah hram a thawk lai,” tiah a ti.

BIACEIHTU 13:5 Խաչաձեւ Հղումներ

NAMBAR 6:5

“I thleidan awk i bia aa kam chung vialte cu a lu cu namte zeihmanh nih a tawng lai lo; Bawipa ca i aa thleidannak a caan a tlin hlantiang cu a thiang lai; a sam kha aa zuah lai.

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.

1 CHANRELNAK 18:1

Cun mah hnuah cun David nih Filistin mi kha a tei hna i a tangchiah hna i Filistin mi hna kut chung cun Gath le a khuate hna kha a lak hna.

1 SAMUEL 7:13

Cucaah Filistin mi hna cu an sung i Israel mi hna ram ah khan an lut ṭhan ti lo, Samuel nun chung vialte cu Filistin mi kha Bawipa kut nih khan a ralchanh hna.

2 SAMUEL 8:1

Cun mah hnuah cun, David nih Filistin mi kha a tei hna i a tangchiah hna; Metheg-ammah kha Filistin mi hna kut chung khan a lak.

LUKA 1:15

Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;

BIACEIHTU 16:17

Cun a ruahnak vialte kha a chimh i a sinah, “Lu-ei nam zeihmanh nih ka lu a tawng bal lo; zeicahtiah kei cu ka nu paw chungin Pathian ca i Nazir mi ka si. Ka lu hi meh ahcun ka thazang nih hin a ka kaltak lai i ka der lai i midang bantuk cio ka si ve ko lai,” tiah a ti.

AMOS 2:11

Nan fapa hna lakin profet ka chuahter hna i Nan tlangval hna lakin Nazir mi ka chuahter hna. Nannih Israel mi hna, cuticun a si taktak ko lo maw? tiah Bawipa nih a ti.