BIACEIHTU 10:15 - Lai (Hakha) Common Language Bible 2006

¹⁵ Cun Israel mi nih Bawipa sinah cun, “Kannih cu kan sual cang; nangmah nih a ṭha na tining paoh in kan cungah tuah ko; a chuah bel nihin ah hin zaangfahnak in kan chuah ko sawh,” tiah an ti.

BIACEIHTU 10:15 Խաչաձեւ Հղումներ

1 SAMUEL 3:18

Cucaah Samuel nih zeizong vialte a chimh dih i a sinin zeihmanh a thup lo. Cun anih nih, “Mah cucu Bawipa a si; a ṭha tiah a timi cu tuah ko seh,” tiah a ti.

2 SAMUEL 15:26

sihmanhsehlaw, ‘Nangmah chungah lawmhnak ka ngei lo,’ a ka ti ahcun, zohhmanh, hika ah ka um ko, amah nih a ṭha a timi paoh cu ka cungah tuah ko seh,” tiah a ti.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

2 SAMUEL 24:14

Cun David nih Gad cu a thawh i, “Harnak nganpi chungah ka um; Bawipa kut chungah cun tla ko u sih, zeitintiah anih cu a zaangfahnak a ngan, sihmanhsehlaw minung kut chungah cun tla sawh hlah u sih,” tiah a ti.

JOSHUA 9:25

Atu ah hin zohhmanh, na kut chungah kan um ko: na mithmuh ah a ṭha le a dik na ti bantukin kan cungah cun tuah ko,” tiah an ti.

JONAH 3:9

Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

2 SAMUEL 10:12

Ralṭha ngaiin um tuah, cun kan mi hna le kan Pathian khua hna caah hin pasal si u sih; cun Bawipa nih a ṭha a tining paoh in tuah ko seh,” tiah a ti.

JONAH 2:4

Na mit hmuhnak khan hlonh ka si cang i na biakinn thiang cu zeitikhmanh ah ka hmu ti lai lo, tiah ka ruah.

JOB 33:27

Cun mi vialte hmaiah, ‘Ka sual cang, Dinnak kha dinlonak ah ka ser cang i cucu ka rak ruat bal lo,’ a ti ahcun,

2 SAMUEL 24:10

Sihmanhsehlaw mi an rel dih hna hnuah khan David cu lung sivang in a um. Cun David nih Bawipa sinah cun, “Ka tuahmi ah hin fak piin ka sual cang. Sihmanhsehlaw, maw Bawipa, hruhnak piin ka tuah cang caah, na salpa ka ṭhat lonak hi ka hlohpiak ko sawh, tiah kan nawl,” tiah a ti.

2 SAMUEL 12:13

Cun David nih Nathan sinah cun, “Bawipa sinah ka sual cang,” tiah a ti. Cun Nathan nih David cu, “Bawipa zong nih na sualnak kha an ngaihthiam cang, na thi lai lo.

1 SAMUEL 12:10

Cun Bawipa kha an auh i, ‘Bawipa kha kan hlawt i Baal le Ashtaroth kha an rian kan ṭuan hna caah kan sual cang; sihmanhsehlaw atu cu kan ral hna kut chungin kan chuahter law, nangmah na rian kan ṭuan lai,’ an ti.

1 SAMUEL 7:6

Cucaah Mizpah ah an i pum i ti an than i Bawipa hmaiah an thlet i khi ni cu rawl an ul. Khika ah annih nih, “Bawipa cungah kan sual cang,” tiah an ti. Cun Samuel nih Israel mi cu Mizpah ah bia a ceih hna.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.