BIACEIHTU 1:7 - Lai (Hakha) Common Language Bible 2006

⁷ Cun Adonibezek nih cun, “An siapi hna le an kepi hna tan a simi siangpahrang sawm sarih nih ka cabuai toiah rawl ṭiltlawt an char tawn; ka rak tuah bangin Pathian nih a ka rulh ve cang,” tiah a ti. Jerusalem ah an ratpi i khika ah a thi.

BIACEIHTU 1:7 Խաչաձեւ Հղումներ

1 SAMUEL 15:33

Cun Samuel nih, “Nangmah na vainam nih nu kha fa loin a tuah hna bantukin, cu bangin na nu cu nu hna lakah fa ngei lomi a si ve lai,” tiah a ti. Cun Samuel nih Agag cu Bawipa hmaiah Gilgal khua ah cun a sam cikcek.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

ROM 2:15

Nawlbia nih, tuah u, a timi cu an lung chungah aa ṭial ko ti kha an ziaza in an langhter. Cun anmah lungthin lila nih a zeimaw caan ah sual a phawt hna i a zeimaw caan ah thiam a coh hna caah, an lung chungah aa ṭial ko ti cu an chiaṭha thleidannak nih khan a langhter ko.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

EXODUS 29:20

Na thah lai i a thi tlawmpal in na lak lai i Aaron le a fapa hna an orhlei hna cungah khan na neh hna lai, cun an orhlei kutpi le an orhlei kepi zongah khan na neh fawn hna lai. A taangmi thi cu biakṭheng velchum ah khan na thlet lai.

BIACEIHTU 1:6

Adonibezek cu a zam; sihmanhsehlaw an dawi i an tlaih i a siapi hna le a kepi hna kha an tan.

BIACEIHTU 9:24

mah cucu, Jerubbaal fapa sawm sarih hna cung i sumṭhen loin an tuahnak kha a tlun i, an thi cu anmah a thattu hna an unaupa Abimelek le a unau hna thah awkah a kut a ṭhawntertu hna Shekhem khuami cungah khan, chiah a si nakhnga caah a si.

BIACEIHTU 9:57

cun Shekhem khuami hna an ṭhat lonak zong kha Pathian nih anmah lu cung lila ah a tlakter i Jerubbaal fapa Jotham chiatserhnak kha an cungah a tlung.

1 SIANGPAHRANG 21:19

Cun amah cu na thawh lai i, ‘Hi bangin Bawipa nih, “Na thah cang i a ro zong na co cang maw?” a ti,” na ti lai. Cun nangmah nih amah cu na thawh lai i, ‘Bawipa nih hi bangin: “Uico nih Naboth thi an liahnak hmun ah khan uico nih nangmah na thi an liah lai,” a ti,’ tiah na chimh lai,” tiah a ti.

ZEFANIAH 3:19

Khi caan a phak tikah, zohhmanh, Nangmah an hremtu vialte hna kha keimah nih ka tongh hna lai. A beimi kha ka chanh hna lai i a ṭhekmi kha ka pumh hna lai; Ka mi hna cu hmasa i zawmhtaih an rak sinak ram paohpaoh ah khan thangṭhatnak le minthannak ka hmuhter ṭhan hna lai.