AMOS 9:11 - Lai (Hakha) Common Language Bible 2006

¹¹ Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

AMOS 9:11 Խաչաձեւ Հղումներ

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

SALM 80:12

Zeicahdah a kulhnak hau vialte cu na bauh dih? Atu cu aa chawkmi paoh nih a thei kha an fir;

ISAIAH 63:11

Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

EZEKIEL 36:11

Nan cungah minung tampi le saṭil tampi ka phun hna lai; annih cu an karh lai i tefa tampi an ngei lai. Nannih cu hlanlio nakin tam deuh le rum deuh ah kan ser hna lai. Cuticun Bawipa ka si kha nan hngalh lai.

EZEKIEL 17:24

Ram chung thing vialte nih khan, Keimah cu Bawipa ka si kha an hngalh lai. Keimah nih thingkung a sangmi kha ka hau hna i thingkung a niammi kha ka santer hna i a romi kha ka hrinter hna. Hihi Bawipa nih ka chim i ka tuah lai, tiah a ti.

JEREMIAH 46:26

Annih cu anmah hrawh aa tim hrimhrimmi Babilon siangpahrang Nebukhadnezzar le a ralkap hna kut chungah ka chanh hna lai; Sihmanhsehlaw hmailei caan ah cun ram cu hlan bantukin mi an um ṭhan lai, tiah Ralkapbu Bawipa nih a ti.

ISAIAH 5:5

“Cucaah cun ka dum cu hitihin ka tuah lai. A kulhnak kha ka baoh hna lai i a hau kha ka hrawh hna lai i saram kha ka eiter dih hna lai i ka nanter dih hna lai.

JOB 1:10

Amah le a inn le a ngeihmi vialte cu hau in na kulh hna lo maw? Nangmah nih a kut rianṭuannak cu thluachuah na pek i ram chungah hin a ngeihmi thil cu an karh.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

JEREMIAH 30:9

Bawipa an Pathian le an caah ka chuahter laimi an siangpahrang David kha an rian an ṭuan cang hna lai, tiah Ralkapbu Bawipa nih a ti.

SALM 143:5

A liam ciami ni kha ka hun thei ṭhan hna; nangmah nih na tuahmi thil vialte kha ka hun ruat ṭhan hna i na tuahmi thil vialte kha ka hun hngal ṭhan hna.

SALM 89:40

A khua kulhnak cu na chimh dih hna i a ralhau cu rawk relrul in na kaltak hna.

NAMBAR 24:18

Israel vial cu ral ha ngaiin an um lioah, Edom cu pawnchuah a si lai, Seir, a ral hna zong cu, pawnchuah a si ve lai.

ISAIAH 58:12

Saupi a rawk cangmi nan inn le nan lo kha nan mi nih cun an remh ṭhan hna lai i hmasa a hlun hram ah khan an bunh ṭhan hna lai. A kuaimi thil kha a remh i a rawkmi inn kha a sa ṭhantu, ti nannih cu nan si lai,” a ti hna.

ISAIAH 65:9

Israel mi lakah Judah tefa a simi kha thluachuah ka pek hna lai i an tefa nih ka ram le ka tlang kha an co lai. Ka thimmi ka mi, ka rian a ṭuanmi cu, cuka ah cun an um lai.

JEREMIAH 18:9

Cun voi khatkhat cu miphun pakhat siseh, ram pakhat siseh, ka sak lai i ka phun lai, tiah ka ti ko hnga.

OBADIAH 1:17

“Sihmanhsehlaw Zion Tlang ah cun a luatmi cu an um lai i cu hmun cu hmun thiang a si lai. Jakob nih a ram a rak chuttu hna kha a chuh ṭhan ve hna lai.

MIKAH 7:8

Maw ka ral hna, ka cungah nan diriam hlah u; Ka tlu cang, sihmanhsehlaw ka tho ṭhan lai; Atu cu muihnak chungah ka um, sihmanhsehlaw Bawipa nih ceunak a ka pek lai.

MIKAH 7:11

Jerusalem mi hna, nan khua ralhau remh ṭhannak caan cu a phan lio cang. Khi caan ah nan ram cu kauh a si lai.

ZEKHARIAH 6:12

Cun amah cu na thawh lai i, ‘Mah hihi ralkapbu Bawipa bia a si: Hi pa hi Thing Nge timi cu a si lai; a umnak vawlei khan a hung ṭhang lai i Bawipa biakinn kha a sak lai.

ZEKHARIAH 12:7

David tefa sunparnak le Jerusalem khua chung ummi hna sunparnak nih khan Judah sunparnak cu a lonh nakhnga lo, Bawipa nih Judah chungkhar hna kha a luatter hmasa bik hna lai.

ZEKHARIAH 14:10

Ram cu a ning piin Geba in Timmon thlanglei tiang a rawnmi Arabah ram bantukin a rawn lai; sihmanhsehlaw Jerusalem cu amah a hmunte ah khan sang piin a dir ko lai, Benjamin Kutka in A Kil Kutka timi tiang cucu hmasa deuh kutka a rak dirnak hmun kha a si. Hananel Innsang in Siangpahrang mitsur nennak tiang, a chungah mi an khat lai.