AMOS 8:14 - Lai (Hakha) Common Language Bible 2006

¹⁴ Cun Samaria pathiannu Ashimah in chiat a ser i, ‘Maw Dan, na pathian nunnak in chiat ka ser,’ a ti i ‘Beersheba lei lam tiangin chiat ka ser,’ a timi vialte cu Tho ti lo dingin an tlu lai.

AMOS 8:14 Խաչաձեւ Հղումներ

AMOS 5:5

Nun nan duh ahcun keimah sinah ra u, Bethel ah kal hlah u, Gilgal ah kal hlah u; Zeicahtiah Gilgal cu kalpi a si lai i Bethel cu siasal inn ah a cang lai.

DEUTERONOMI 9:21

Cun hi nan thil sual, nan sermi cawfa cu, ka lak i mei in ka khangh i ka den, leidip bantukin a dip tiang dip tein ka rial; cun cu leidip cu tlang cungin a rung luangmi tivate ah cun ka paih.

LAMKALTU 9:2

Damaskas khua Judah pumhnak inn haotu pawl sin i theihhngalhnak ca kha a hung hal. A duhnak cu khi khua ah khan Bawipa Lam a zulmi ka hmuh hna ahcun nu thlulo pa thlulo in ka tlaih hna lai i Jerusalem ah ka kalpi hna lai, ti a si.

LAMKALTU 24:14

Hi bel hi ka tuah tiah nangmah hmaiah ka ti khawh: Kei cu Lam thar a zulmi ka si (annih nih cun bu thar tiah an ti) i cu ti ning cun kan pupa hna Pathian cu ka biak; zeicahtiah Moses Phungbia chung i aa ṭialmi vialte le profet hna cauk chung i aa ṭialmi vialte kha ka zumh i Pathian i bochan in

LAMKALTU 19:23

Hi caan lioah hin Bawipa Lam kong ah Efesa khua chungah hnahnawhnak a um.

LAMKALTU 19:9

Sihmanhsehlaw annih lak i a cheukhat cu an lung a khong i an zum duh lo; Bawipa Lam kong kha zapi hmaiah a ṭhalo tiah an ti. Cucaah Paul nih khan a chuahtak hna i zultu pawl kha aa kalpi hna; ni fate in Tirannas biachimnak inn timi ah khan mi kha a cawnpiak hna.

LAMKALTU 18:25

Bawipa Lam kong kha hngal cikcek tein cawnpiakmi a si i Jesuh kong kha lungtho ngaiin a chim i hmaan tein mi kha a cawnpiak hna. Sihmanhsehlaw Johan tipilnak lawnglawng kha a hngalh.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

AMOS 5:2

Ngaknu thiang Israel cu tho ṭhan ti lo dingin a tlu cang, Amah a ram ah cun a bawk i ahohmanh amah a thotu ding an um lo.

HOSEA 13:16

Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

HOSEA 13:2

Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

JEREMIAH 51:64

‘Hihi Babilon cung i a tlung ding cu a si — a pil lai i a tho ṭhan ti lai lo, zeicahtiah Bawipa nih a cungah ṭhat lonak a tlunter lai,’ na ti lai,” tiah a ti. Hi tiang hi Jeremiah bia cu a si.

JEREMIAH 25:27

Annih cu na thawh hna lai i, ‘Hi ti hin Ralkapbu Bawipa, Israel Pathian nih a ti: Hihi ding u, ri u law lua u; nan lak i ka thlah dingmi vainam hmaiah hin tho ti lo dingin tlu u,’ na ti hna lai.

ISAIAH 43:17

A ṭhawngmi ralkapbu kha a hrawh hna, rangleng le raltuknak rangtum kha ti chungah a paih hna. An pil dih, zeitikhmanh ah an chuak ṭhan ti lo, meifar mih bantukin an mit.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

SALM 140:10

Meiṭil sen nih tlak hna seh law, chuak kho ti loin khor thuk chungah tla hna seh.

SALM 36:12

Miṭhalo an rilhnak kha zohhmanh! Khika ah khin an ril, an tho kho ti lo.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

2 SIANGPAHRANG 10:29

Sihmanhsehlaw Nebat fapa Jeroboam nih Israel mi a rak sualter hnanak, sui cawfa Bethel i a ummi kha le Dan i a ummi hna kha a pialtak hna lo.

1 SIANGPAHRANG 16:24

Shemer sinin Samaria tlang cu ngun talen pahnih in a cawk; tlang ah cun ralhau a sak i a sermi khua cu tlang a rak ngeitu Shemer min chuankhan in Samaria a ti.

1 SIANGPAHRANG 14:16

Cun Israel mi cu, Jeroboam amah sualnak ruang le Jeroboam nih Israel mi a sualter hnanak ruangah khan, a hlawt hna lai,” tiah a ti.

1 SIANGPAHRANG 12:32

Cun Jeroboam nih thla riatnak thla a ni hleinga ni ah khan, Judah ram chung i a ummi puai bantuk puai pakhat ngeih awk a si lai, a ti i biakṭheng cungah raithawinak kha a pekchanh hna; cu bangin Bethel khua ah cun a tuah, amah nih a sermi cawfa hna kha raithawinak a pekchanh hna. Cun khuahrum bo a sermi ca i tlangbawi hna cu Bethel ah a chiah hna.

DEUTERONOMI 33:11

Maw Bawipa, a chawva kha thluachuah pe law, A kut rianṭuanmi kha cohlanpiak ko; A ral hna tawkawng cu khiak tuah, A huatu hna tawkawng cu, an thawh ṭhan ti nakhnga lo, khiak tuah,” tiah a ti.

ISAIAH 24:20

Vawlei cu zuri bangin a sawn lai i ṭotho lak thlam bangin aa hnin lai. Vawlei cu a sualnak nih rit piin a nenh; a tlu lai i zeitikhmanh ah a tho ṭhan ti lai lo.

MIKAH 1:5

Mah hi vialte hi Jakob ṭhat lonak ruang le Israel sualnak ruangah a si. Jakob ṭhat lonak cu zeidah an si? Samaria khua chung i an tuahmi kha an si lo maw? Judah mi hna cu khuazei khuahrumbo ruangah dah dan ka tat hna lai? Jerusalem khua hi an khuahrumbo cu a si ko.

PHUNGTHLÛKBIA 24:16

Zeicahtiah miṭha mi cu voi sarih tiang tlu hmanh seh law a tho ṭhan zau lai, sihmanhsehlaw miṭhalo cu vanchiatnak nih a hrawh hna.

AMOS 5:1

Maw Israel, ṭah hla kan lawhmi hi ngai tuah: