AMOS 7:13 - Lai (Hakha) Common Language Bible 2006

¹³ Sihmanhsehlaw Bethel ah cun zeitikhmanh ah bia chim ṭhan ti hlah, zeicahtiah Bethel cu siangpahrang hmunthiang, siangpahrang inn pei a si cu,” tiah a ti.

AMOS 7:13 Խաչաձեւ Հղումներ

AMOS 2:12

Sihmanhsehlaw nannih nih Nazir mi kha zu nan dinter hna i Profet hna cu bia chim hlah u, nan ti hna.

1 SIANGPAHRANG 12:32

Cun Jeroboam nih thla riatnak thla a ni hleinga ni ah khan, Judah ram chung i a ummi puai bantuk puai pakhat ngeih awk a si lai, a ti i biakṭheng cungah raithawinak kha a pekchanh hna; cu bangin Bethel khua ah cun a tuah, amah nih a sermi cawfa hna kha raithawinak a pekchanh hna. Cun khuahrum bo a sermi ca i tlangbawi hna cu Bethel ah a chiah hna.

1 SIANGPAHRANG 12:29

Cun pakhat cu Bethel ah a chiah i a dang pakhat cu Dan ah a chiah.

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

LAMKALTU 5:40

Lamkaltu kha an auh hna i fung in an tuk hna i Jesuh min in bia chim hrimhrim ti hlah u, tiah an ti hna i an thlah hna.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

ISAIAH 30:10

Profet pawl kha, dai tein um ko u, an ti hna. An thawh hna i, “Zeidah a ding ti kha kan chim hlah u, theih kan duhmi kha ta nan kan chimh ko. Kan i ruahning in va um ko u sih.

AMOS 3:14

Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

AMOS 5:5

Nun nan duh ahcun keimah sinah ra u, Bethel ah kal hlah u, Gilgal ah kal hlah u; Zeicahtiah Gilgal cu kalpi a si lai i Bethel cu siasal inn ah a cang lai.

AMOS 7:9

Isak khuahrumbo hna cu an rawk lai i Israel hmunthiang hna cu pakpalawng ah an cang lai; vainam i put in ka tho lai i Jeroboam innchungkhar cu ka tuk hna lai,” tiah a ti.

AMOS 7:16

Cucaah cun atu cu Bawipa bia hi ngai tuah u: “Israel mi cu bia chim hna hlah, Isak tefa hna cu na hruh bia cu nawnnokpi lengmang hna hlah, nan ka ti.

2 SIANGPAHRANG 14:24

Cun amah nih Bawipa mithmuh i thil ṭhalo kha a tuah; Nebat fapa Jeroboam nih Israel mi a sualter hnanak a sualnak vialte kha a kaltak hna lo.

JEREMIAH 26:9

“Zeicahdah Bawipa min in bia na chim i, hi inn cu Shiloh bantuk a si lai i hi khua cu a chung ummi pakhat hmanh um lo tiangin a ṭiao lai, na ti,” an ti. Cun mi vialte nih cun Jeremiah cu Bawipa inn ah khan an kulh.