AMOS 4:3 - Lai (Hakha) Common Language Bible 2006

³ Khua kulhnak vampang a pemnak awng khan an in chuahpi hna lai i, Harmon tlang ah an in hlonh hna lai.” tiah Bawipa nih a ti.

AMOS 4:3 Խաչաձեւ Հղումներ

EZEKIEL 12:5

Cun an hmuh hngan ah cun vampang kha pem law cu a pemnak chung cun na thilri kha kalpi hna.

EZEKIEL 12:12

An siangpahrang fapa nih khan thil kha mui ah aa khinh lai i a chuahnak ding ca i an sermi awng khan a chuak lai, amah cu ahohmanh nih an hmuh khawh nakhnga lo le amah zong nih vawlei kha a hmuh khawh nakhnga lo, a hmai kha aa khuh lai.

MATTHAI 16:26

Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo.

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

ISAIAH 31:7

Sualnak siasal sui le ngun in nan i sermi nan hlonh hna caan kha a phan lai.

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

2 SIANGPAHRANG 25:4

Khi tikah khua kulhnak kha an pemh i Khaldi mi cu khua velchum ah khan an um ko nain siangpahrang le a ralkap vialte cu zan ah siangpahrang dum pawng i a ummi vampang pahnih karlak i kutka khan an zam. Cun Arabah leiah khan an kal.

2 SIANGPAHRANG 7:15

Cucaah Jordan tiva tiang an dawi hna; cun zohhmanh, Siria mi nih an i hnawhsarenak ah an hlonh tami hnipuan hna le thilri hna kha lampi ah cun a thluangthluan in an ril liangluang ko. Cun lamkal hna cu an kir i siangpahrang kha an chimh.

BIACEIHTU 5:17

Gilead cu Jordan ralchan ah a um ko; Cun Dan zong cu zeicaahdah sangphawlawng hna sinah cun a um ko hnga? Asher cu rili kamah cun a ṭhu sawhsawh ko i, A tilawng dinhnak pawngah cun umhmun a khuar.

JEREMIAH 52:7

Cun mah cucu Judah siangpahrang Zedekiah nih khan a hmuh tikah, hriamnam he amah a cawngtu vialte hna he khan khuachung cun zan ah an zam i siangpahrang dum pawng i a ummi kutka Vampang Pahnih Hna Karlak timi khan an chuak. Khaldi mi nih khuapi cu an kulh nain Arabah leiah khan an zam.

AMOS 6:7

Cucaah saltangmi hna lakah khan hmaisuang ah nannih cu nan kal lai i Cucu nan i nuamhsaihnak a donghnak cu a si lai.