AMOS 3:5 - Lai (Hakha) Common Language Bible 2006

⁵ Coktarh a um lo ahcun vawlei i chiahmi rap ah khan va cu aa foih bal maw? Rap cu zeihmanh foih loin a pelh bal maw?

AMOS 3:5 Խաչաձեւ Հղումներ

PHUNGCHIMTU 9:12

Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan ṭhalo chungah khan kan i foih tawn ko.

DANIEL 9:14

Bawipa kan Pathian, nangmah nih na tuahmi thil vialte cu a hmaanmi a si i kannih cu nangmah bia a ngai lomi kan si caah nangmah nih kannih dantat awk kha naa tim i dan cu na kan tat taktak.

JEREMIAH 31:28

Annih cu ṭheh awk le phawi awk le chimh awk le hrawh awk le harnak pek awkah ka rak ngiat hna bantuk khan atu cu annih kha tun awk le thawh awkah ka zohkhenh cang hna lai, tiah Bawipa nih a ti.

SALM 140:5

Miruamkai pawl nih khan rap an ka chiahhnawh, mihrokhrawl pawl nih khan sur rap cu an chiah i lam ah khan keimah foihnak dingah cun an phah. Selah

AMOS 3:4

Chiandeih cu sa sehmi a ngeih lo ahcun tupi chungah a awn bal maw? Chiandeih tum no cu sehmi zeihmanh a ngeih lo ahcun a kua chungah a ngur bal maw?

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?