AMOS 3:14 - Lai (Hakha) Common Language Bible 2006

¹⁴ Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

AMOS 3:14 Խաչաձեւ Հղումներ

2 SIANGPAHRANG 23:15

Cu hleiah Israel a sualtertu Jeroboam, Nebat fapa nih Bethel khua ah a sermi khuahrum bo biakṭheng, kha biakṭheng kha a khuahrum bo he khan a chimh i a lung cu a den cikcek hna i dip lak in a den hna; cun Asherah zong kha a khangh.

AMOS 9:1

Bawipa cu biakṭheng pawng i a dir kha ka hmuh i hi bangin a ti: “Innleng kha aa hninh dih nakhnga tung par kha tu tuah hna, Cun cuka i a ummi hna cu an lu ah a tlak hna nakhnga kuai cikcek in deng hna. An dih cikcek tiangin vainam in ka thah hna lai. Ahohmanh a luatmi an um lai lo, A tangmi him tein a ummi zong an um lai lo;

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

EXODUS 32:34

Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian ṭuan awkah ka rat tikah cun, an sual ruangah dan ka tat hna lai,” a ti.

AMOS 2:8

Biahrennak ca i an lakmi puan cungah khan biakṭheng pawng kip ah an it i An Pathian inn chungah khan dantatnak in an lakmi zureu kha an din.

AMOS 4:4

“Bethel ah ra u law ra sual u; Gilgal ah ra u law sual chinchin u! Zing fate in nan raithawinak kha rak pu u, Nan cheu hra cheu khat kha ni thum dan lengmang ah rak chuahpi hna u.

AMOS 7:10

Khi tikah Bethel khua i tlangbawi Amaziah nih khan Israel siangpahrang Jeroboam cu thawng a thanh i, “Israel miphun lakah nangmah doh awkah Amos nih khua a khan lengmang ko i a chimmi bia hi kan ram nih a ing kho ti lo.

AMOS 7:13

Sihmanhsehlaw Bethel ah cun zeitikhmanh ah bia chim ṭhan ti hlah, zeicahtiah Bethel cu siangpahrang hmunthiang, siangpahrang inn pei a si cu,” tiah a ti.

AMOS 7:9

Isak khuahrumbo hna cu an rawk lai i Israel hmunthiang hna cu pakpalawng ah an cang lai; vainam i put in ka tho lai i Jeroboam innchungkhar cu ka tuk hna lai,” tiah a ti.