AMOS 2:7 - Lai (Hakha) Common Language Bible 2006

⁷ Annih nih sifakmi kha an lu vawlei ah an lamh chih hna i Mi nauta pawl kha lam thlang ah an en hna. Pa le fa nih nu pakhat kha an pahnih in an fuh i Cuticun ka min kha an thurhhnawmhter.

AMOS 2:7 Խաչաձեւ Հղումներ

2 SAMUEL 12:14

Sihmanhsehlaw mah hi thil na tuah thawngin Bawipa kha na zawmhtaih ngaingai cang caah, na hrinmi na fa cu a thi lai,” tiah a ti. Cun Nathan cu a inn ah a ṭin.

1 SIANGPAHRANG 21:4

Cun Naboth nih Ahab cu, “Ka pupa hna ro cu kan pe lai lo,” tiah a sin i a timi bia ruangah khan, Ahab cu thinhung le hmaichia in a inn chungah a lut. Cun a ihkhun ah a it i khattelei kha a hoi i rawl ei kha a duh lo.

PHUNGTHLÛKBIA 28:21

Duhdanh ngeih hi a ṭha lo, sihmanhsehlaw changreu tlang khat ruangah mi nih ṭhat lonak kha an tuah ko lai.

ISAIAH 10:1

Ka mi hna hremnak ah phung dinglo a sermi nannih cu nan lo cang!

ISAIAH 10:2

Cu ti nan tuah caah cun sifakmi nih an hmuh awk hnga a simi kha an hmu kho lo i an bia kha ding tein ceihpiak a um bal lo. Cu phung cun nannih nih nuhmei le ngakṭah kha an thil le an ri nan chuh hna.

ISAIAH 3:14

Bawipa nih cun, a mi hna an upa le an hruaitu pawl kha biaceih awkah a chuahpi hna lai. Taza a cuainak hna cu hitihin a si: “Mitsur dum kha nan ramh dih hna i nan inn cu misifak nan chuhmi hna thil kha a khat.

ISAIAH 3:15

Ka mi nan rial hna cu nan rial hna awk hrimhrim a si lo i misifak nan deh nan hlen hna i an thil nan chuh hna cu nan tuah hrimhrim awk a si lo tiah Bawipa Ralkapbu Pathian nih ka ti,” a ti.

EZEKIEL 22:11

cun a cheu nih an innpale nupi kha an thurhhnawmh hna i an fapale nupi hna sinah khan an i buar; an pale fanu hrimhrim, an farle kha an sual hna.

EZEKIEL 36:20

An phaknak kip miphun hna sinah khan ka min thiang kha an thurhhnawmh. Mi nih an i thawh i, Hi hna hi Bawipa mi an si, a ram in a rami an si, an ti hna.

HOSEA 4:14

Sihmanhsehlaw hi ruangah hin annih cu dan ka tat hna lai lo, Zeicahtiah nanmah zong biakinn i hlawhhlangnu a ummi hna he nan kal ve ko i anmah he cun Baal sinah khan raithawinak nan pekchanh ve ko, Cuticun phungthluk bia i “Hngalhnak a baumi cu an rawk,” tiah a um bantuk khan an rawk.

LEVITIKAS 18:15

Na fapa nupi pumlawnnak kha na hlim lai lo, amah cu na fapa nupi a si, a pumlawnnak kha na hlim lai lo.

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

LEVITIKAS 18:8

Na pa nupi pumlawnnak cu na hlim lai lo; mah cucu na pa pumlawnnak a si ko.

LEVITIKAS 20:3

Cu pa cu ka hmai ka chiathnawh lai i a mi hna lakin ka hlonh lai, a fa pakhat cu ka hmunthiang thurhnawmhter awk le ka min thiang thurhnawmh awkah Molek kha a pek caah, ka hlonh hna lai.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

AMOS 5:12

Zeicahtiah nan ṭhat lonak kha zeitluk in dah a tam i Nan sualnak kha zeitluk in dah a tam ti cu ka hngalh ko. Nannih nih a sual lomi kha nan hrem hna i Tlanhnak man caah mi kha nan hren hna; Zeihmanh a ngei lomi cu biaceihnak zung khan nan ṭhawl hna.

AMOS 8:4

“Sifakmi kha a rialchih i retheimi kha a ramhmi hna, hihi ngai tuah u;

MIKAH 2:2

Lo kha an mit a thit ahcun an lak ko, inn kha an duh ahcun an tlaih ko; Mi kha an inn le an thilri an chuh ko hna.

MIKAH 2:9

Ka mi hna nu hna cu an duh vemi an inn khan nan dawi hna i An fale hna cu ka thluachuahnak kha nan lakkanh hna.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

ROM 2:24

Cathiang nih, “Nanmah Judah mi ruangah Jentail mi nih Pathian kha an thangchiat,” a ti.

1 KORIN 5:1

Nan lakah nu le pa sualnak, lawkihmi hmanh nih an i zahpi dingmi sualnak a um ti kha ka theih. Mipa pakhat cu a pa nupi he an um ṭi, an ti.