AMOS 2:15 - Lai (Hakha) Common Language Bible 2006

¹⁵ Thal kah thiammi kha fek tein a dir kho hlei lai lo, Khulrang in a le khomi zong kha a luat hlei lai lo. Rangcung ralkap zong kha amah le amah aa khamh kho hlei lai lo.

AMOS 2:15 Խաչաձեւ Հղումներ

EZEKIEL 39:3

Na kehlei kut i likuk cu ka tuk lai i na orhlei kut i cantiang cu ka den dih hna lai.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

ISAIAH 31:3

Izipt mi cu pathian an si lo — minung lawng an ve ko! An rangtum hna cu thlarau an si lo. Bawipa nih rian a vun ṭuan tikah cun a ṭhawngmi miphun kha a cim cutmat ko i cu miphun ṭhawng nih a bawmhmi miphun der zong kha a tlu ve ṭhiamṭhiam lai. An pahnih in an rawk lai.

JEREMIAH 51:56

Hrawktu cu Babilon hrimhrim ah khan an phan cang, A ralkap cu an tlaih hna i an likuk cu an khiahpiak hna. Bawipa, teirul cham hmangmi Pathian nih a lehrulh hrimhrim hna lai.

HAGGAI 2:22

pennak bawiṭhutdan hna hi ka hninh dengmang cang hna; miphun hna ṭhawnnak cu ka hrawh dengmang cang i an rangleng hna le an cung i aa citmi ralkap hna cu ka thluk dengmang cang hna; cun rangtum hna le an cung i aa citmi ralkap hna cu anmah le an hawi vainam cio khan an thi lai,’ tiah ralkapbu Bawipa nih a ti.

ZEKHARIAH 10:5

Annih cu ralkap bantuk an si lai i raltuk hmun lam cet lak i aa nang lenmi bantuk an si lai; Bawipa cu an sinah a um caah an ral kha an tuk hna lai i Rangcung ralkap hna kha ningzak in an hloh hna lai.

AMOS 9:1

Bawipa cu biakṭheng pawng i a dir kha ka hmuh i hi bangin a ti: “Innleng kha aa hninh dih nakhnga tung par kha tu tuah hna, Cun cuka i a ummi hna cu an lu ah a tlak hna nakhnga kuai cikcek in deng hna. An dih cikcek tiangin vainam in ka thah hna lai. Ahohmanh a luatmi an um lai lo, A tangmi him tein a ummi zong an um lai lo;