AMOS 1:14 - Lai (Hakha) Common Language Bible 2006

¹⁴ Gilead ram nelrawn i fapawi nu hna cu an hlai dih hna Cucaah Rabbah kulhnak vampang cungah cun mei ka thlah lai i Cu mei nih cun an ralhruang vialte kha a kangh dih hna lai; Cu ni ah cun raltuknak hmun khan aunak a um lai i Thlichia le ṭotho an hrang lai.

AMOS 1:14 Խաչաձեւ Հղումներ

AMOS 2:2

Cucaah Moab cungah mei ka thlah lai i An khua hna chung i Kerioth ralhruang kha, cu mei nih cun a kangh dih hna lai. Aukhuannak thawng lakah cun Moab cu a thi lai i A thihnak cu raltuknak aunak thawng le muko aw thawng lakah cun a si lai.

JEREMIAH 49:2

Cucaah zohhmanh, Ammon mi hna khua Rabbah ah khan raltuknak thawng ka thanter lai caan kha a ra lio, tiah Bawipa nih a ti; Ṭiaotakmi hnawmpon ah a cang lai i a khuate hna cu mei in khangh cikcek an si lai i Israel nih a rak pawnchuahtu hna kha a pawnchuah ve hna lai, tiah Bawipa nih a ti.

DEUTERONOMI 3:11

(Refaim mi a taangmi hna chungin Bashan siangpahrang Og lawnglawng kha a taang; zohhmanh, a ihkhun cu thir ihkhun a si; Ammon mi hna khua Rabbah ah a um, a si lo mei? Minung dong in, a sau dong kua, a vang dong li a si.)

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

2 SAMUEL 12:26

Joab nih khan Ammon mi hna khua Rabbah kha a tuk i siangpahrang khua cu a lak.

ZEKHARIAH 7:14

Cucaah an hngalh bal lomi miphun hna lakah ka dawi hna i an ram cu ṭiao relrul in an kaltak i pakhat hmanh an i chawk an i let ti lo. Cuticun an ram a nuam ngaimi cu pakpalawng ah an ser.

DANIEL 11:40

Cun Siria siangpahrang cu a caan a dih dengmang tikah Izipt siangpahrang nih khan a tuk lai i a ṭhawnnak vialte khan a rak doh ve lai — a rangleng hna le a rangtum hna le a tilawng kha a hman hna lai. Izipt ram cu tilian bantukin a luhhnawh lai.

EZEKIEL 25:5

Rabbah cu kalauk tlonnak hmun ah ka ser lai i Ammon cu tuu chiahnak kiam ah ka ser lai. Cuticun keimah cu Bawipa ka si kha nan hngalh lai.

ISAIAH 9:5

A dohtu hna ralkapbu kedan vialte le thisen aa nehmi an hnipuan vialte cu mei in hrawh an si dih lai.

SALM 83:15

annih cu ṭotho in dawi hna law thlichia in ṭhih ko hna.

JOB 39:25

Muko thawng a rin tikah a hnar a phit i, I tuknak cu a rim in a theih i haotu pawl an au le an hawhawt cu a theih.

2 SAMUEL 11:1

Ṭhal a hung chuak i siangpahrang hna nih raltuknak hmun i an kal tawn caan ah khan, David nih Joab le a sin i a ummi a sinum vialte hna le Israel mi vialte kha a thlah hna i annih nih Ammon mi kha an hrawh dih hna i Rabbah kha an dum. Sihmanhsehlaw David cu Jerusalem khua ah khan a um ko.

1 CHANRELNAK 20:1

Ṭhal a hung chuak i siangpahrang hna nih raltuknak hmun i an kal tawn caan ah khan, Joab nih ralkapbu kha a kalpi hna i Ammon mi hna ram kha an hrawh i an ra i Rabbah kha an dum. Sihmanhsehlaw David cu Jerusalem ah a um ko. Cun Joab nih Rabbah cu a tuk i a tei.

ISAIAH 29:6

Ralkapbu Bawipa nih a ṭhawngmi ṭotho le lihnin in a khamh lai. Thlichia a hranter lai i zeizong vialte a khang dihtu mei a chuahter lai;

JEREMIAH 23:19

A kangh in mi a kangmi thli, Bawipa sinin a chuakmi khi zohhmanh, Ṭotho phuchim a si khi! Miṭhalo hna lung chungah aa zi len ko.

EZEKIEL 21:20

Cun vainam cu Ammon mi khua Rabbah i a ratnak ding lam kha rinpiak law cuka cun Judah ram ah a rung lai i Jerusalem khua a laifang ah cun a lut lai.

EZEKIEL 21:22

Camcawhnak thal ‘Jerusalem’ ti i ṭialmi kha a orhlei kamah a tla: cucaah cuka ah cun au i raldohnak hawhawt in hawhawt i kutka chimhnak dennak kha ser i raltuknak chuntlung kha ser i ralvennak buk kha sak awk a si.

EZEKIEL 25:7

nan cungah ka kut ka samh lai i nannih cu miphun hna hazawh ah kan ser hna lai i miphun dang hna sin khan kan ṭhen hna lai; khuazeika ram hmanh ah nannih cu kan hloh hna lai i nan cungah rawhnak ka tlunter lai. Cuticun keimah cu Bawipa ka si kha nan hngalh lai, tiah a ti.

2 SAMUEL 12:31

Cun a chung i a ummi hna kha a chuah hna i hluah le thir hmuizum le thir hreitlung in rian a ṭuanter hna i tlakrawh rawhnak ah khan rian a ṭuanter hna; cu bangin Ammon mi hna khua vialte cungah khan a tuah dih. Cun David le a mi vialte cu Jerusalem ah an kir ṭhan.

EZEKIEL 21:25

“Miṭhalopa, mithianglopa, Israel mi uktu bawipa, nangmah dohnak ah dantatnak ni cu a ra cang.