2 SIANGPAHRANG 9:7 - Lai (Hakha) Common Language Bible 2006

⁷ Cun ka sal profet hna thi le Bawipa sal vialte thi kha Jezebel cungah phu ka hlam naklai na bawipa Ahab i a innchungkhar cu na tuk hna lai.

2 SIANGPAHRANG 9:7 Խաչաձեւ Հղումներ

1 SIANGPAHRANG 21:15

Jezebel nih Naboth cu lung in cheh a si cang i a thi cang ti kha a theih cangka, Jezebel nih Ahab cu a thawh i, “Tho tuah, Jezreel mi Naboth nih phaisa in zuarh an sianh lomi mitsur dum kha i lak tuah; zeitintiah Naboth cu a nung ti lo, a thi cang,” tiah a ti.

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

DEUTERONOMI 32:43

“Maw miphun hna, a mi kha thangṭhat hna u, Zeitintiah a sal hna thisen phu kha a hlam i A ral hna kha phu a hlam hna i A mi hna ram caah sual thianhnak a tuah lai,” tiin au u.

1 SIANGPAHRANG 21:25

(Bawipa mithmuh i thil ṭha lo tuah awkah aa pemi Ahab bantuk ahohmanh an um lo — cu vialte cu a nupi Jezebel nih a forh ruangah a si.

1 SIANGPAHRANG 21:21

Zohhmanh, nangmah cungah ṭhat lonak ka tlunter lai; kan hloh cikcek lai i Israel mi chungah Ahab ta a simi pa paohpaoh cu, a luatmi siseh, a luat lomi siseh, ka hrawh dih hna lai;

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

HEBRU 10:30

“Keimah nih phu cu ka hlam lai, keimah nih ka cham lai,” tiah a ti i, “Bawipa nih a mi cu bia a ceih hna lai,” ti zongah a ti fawntu kha ahodah a si ti cu kan hngalh.

ROM 13:4

Zeicahtiah amah cu Pathian sal, na ca ṭhatnak a tuahtu a si. Sihmanhsehlaw ṭhat lonak na tuah ahcun amah cu ṭih ko, zeicahtiah dantat khawhnak a ngeihmi cu a si taktakmi a si. Amah cu Pathian sal a si i ṭhat lonak a tuahtu cungah khan Pathian thinhunnak cu a phakter.

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.

MATTHAI 23:35

Cucaah a sual lomi vialte hna thahnak ruang i dantatnak kha nan cungah a tla lai; a sual lomi Abel thawk in Biakinn le biakṭheng karlak ah nan thahmi Zekhariah, Berekhiah fapa, tiang khan.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

2 SIANGPAHRANG 10:10

Cucaah Bawipa nih Ahab innchungkhar kong ah a chimmi, Bawipa bia cu, sawhsawh in pakhat hmanh vawlei ah a tla lai lo, ti kha hngal tuah u; zeitintiah Bawipa nih a sal Elijah in a chimmi kha a tuah cang,” tiah a ti.

2 CHANRELNAK 22:7

Sihmanhsehlaw Pathian nih a rak ruahning ah hin Ahaziah ṭumchuknak cu Joram a vung tlawnnak hin tlung dingin a rak si. Zeitintiah khika a phak tikah Joram he khan an chuak i Bawipa nih Ahab innchungkhar hrawktu dingah chiti a thuhmi Jehu, Nimshi fapa kha an ton.

JEREMIAH 26:5

nan sinah ka thlahmi ka profet hna bia kha zei ah nan rel lo ahcun, zei ah nan rel bal hna lo va si kaw,

2 SIANGPAHRANG 10:11

Cucaah Ahab tefa Jezreel i a tang rihmi paohpaoh, a mi ngan vialte hna le a hawikom ṭha hna le a tlangbawi hna kha, pakhat hmanh tang loin Jehu nih a thah dih hna.