2 SIANGPAHRANG 9:32 - Lai (Hakha) Common Language Bible 2006

³² Cun thlalangawng lei cu a hun zoh i, “Ahodah keimah leiah a ṭang, ahodah?” tiah a ti. Tilditmi pahnih pathum nih khin an vun zoh.

2 SIANGPAHRANG 9:32 Խաչաձեւ Հղումներ

LAMKALTU 12:20

Herod cu Tair le Sidon mi hna cungah khan a thin a hun ngaingai caah, cu hna nih cun a bu in amah cu ton awkah a sinah khan an va kal. A hmasa bik ah siangpahrang inn uktu Blastas kha anmah lei ṭang dingin an i sawm. Cun Herod sinah cun an va kal i i rem ko u sih, tiah an va nawl. Zeicahdah tiah an rawl laknak cu Herod siangpahrang ram hin a si.

SALM 118:6

Bawipa cu ka sinah a um caah zeihmanh ka ṭih lo; minung nih cun ka cungah zeidah an tuah khawh lai?

ESTHER 2:21

Cun cu caan ah cun, Mordekai cu siangpahrang kutka i a ṭhut lioah khan, siangpahrang a tildit pahnih innka a cawngtu Bigthana le Teresh cu an thin a hung i Siangpahrang Ahasuerus cu tlaih awk kha an timh.

ESTHER 2:15

Cun a fanu bantuk taktak ah aa serhtu Mordekai i a pa unau Abihail i a fanu Esther caah siangpahrang sin i va luh caan cu a phak tikah, siangpahrang tilditmi, nu a zohkhenhtu hna Hegai nih ruahnak a cheuhmi thil kha dah ti lo cu, zeihmanh Esther nih cun a hal lo. Cun Esther cu a hmumi paoh an mit a tling dih.

ESTHER 1:10

A ni sarihnak ni, siangpahrang cu zu nih a lung a lawmhter ni ah cun, inn zohkhenhtu a simi hna tildit pasarih Mehuman, Biztha, Harbona, Bigtha le Abagtha, Zethar le Karkas hna cu nawl a pek hna i

2 CHANRELNAK 11:12

Cun khua kip ah khan phaw le fei a chiah hna i khua fek ngaingai ah a ser hna. Cucaah Judah le Benjamin ram cu a co hna.

1 CHANRELNAK 12:18

Khi tikah sawm thum hna lak i haotu bik Amasai cungah khan Thlarau a tlung i amah nih cun hi bangin a ti: “Kannih cu nangmah ta kan si, maw David; Maw Jesse fapa, nangmah sin tel kan si; Daihnak, daihnak cu na sinah um ko seh, Daihnak cu nangmah an bawmtu hna cungah um ko seh! Zeitintiah na Pathian nih an bawmh.” Khi tikah David nih tlun inn a onh hna i a ralkap hna haotu bawi ah khan a ser hna.

EXODUS 32:26

Cucaah Moses cu riahhmun kutka ah khan a dir i, “Ahodah Bawipa lei ṭang nan si? Bawipa lei i a ṭangmi cu hika ah hin ra u,” tiah a au. Levi mi vialte kha a sinah cun an i pum i

2 SIANGPAHRANG 9:7

Cun ka sal profet hna thi le Bawipa sal vialte thi kha Jezebel cungah phu ka hlam naklai na bawipa Ahab i a innchungkhar cu na tuk hna lai.

2 SIANGPAHRANG 9:31

Cun Jehu cu kutka i a luh ah khin, “Nang Zimri, a bawipa a nawngtupa, daihnak in a si maw?” tiah a ti.

2 SIANGPAHRANG 9:33

“Run hlonh u, amah kha,” tiah a ti. Cucaah an vun hlonh i a thi nih cun vampang le rang hna kha a peh hna i annih nih an nan len.

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?