2 SIANGPAHRANG 9:28 - Lai (Hakha) Common Language Bible 2006

²⁸ A sinum hna nih khan rangleng in Jerusalem ah an kalpi i David khua chungah a pupa hna sinah a thlan ah an vui.

2 SIANGPAHRANG 9:28 Խաչաձեւ Հղումներ

2 CHANRELNAK 35:24

Cucaah a sinum hna nih cun rangleng chung khan an chuah i a rangleng pahnihnak in Jerusalem ah an tlunpi. Cun a thi i a pupa hna thlan ah khan an vui. Cun Judah mi dihlak le Jerusalem mi dihlak nih khan Josiah kha an ṭah.

2 SIANGPAHRANG 23:30

Cun Megiddo khan amah cu a sinum hna nih a thi cia in rangleng in Jerusalem ah an kalpi i amah thlante ah khan an vui. Cun rammi nih khan Josiah fapa Jehoahaz cu an lak i chiti an thuh i a pa hmun ah khan siangpahrang ah an ser.

2 CHANRELNAK 25:28

Cun rang cungin an ratpi i David khua chungah, a pupa hna sinah khan an vui.

2 SIANGPAHRANG 23:20

Cun khuahrum bo tlangbawi vialte khika i a ummi hna kha biakṭheng cungah a thah hna i an cungah mi ruh kha a khangh hna. Cun Jerusalem ah a kir.

2 SIANGPAHRANG 12:21

Amah kha a tu i a thattu hna cu a sinum Shimeath fapa Jozakar le Shomer fapa Jehozabad an si. David khua chungah a pupa hna sinah an vui i a fapa Amaziah cu amah hmun ah khan bawi a cang.

2 CHANRELNAK 22:9

Ahaziah cu a kawl i Samaria i aa thuh lioah khan an va tlaih, Jehu sinah an ratpi i amah cu an thah. Amah cu an vui, zeicahtiah annih nih, “Amah cu Jehoshafat, Bawipa kha a lungthin dihlak in a kawltu tupa a si caah,” tiah an ti. Cun Ahaziah innchungkhar lakah ram kha a peng khotu ding an um lo.

1 SIANGPAHRANG 2:10

Cun David cu a pupa hna sinah a it i David khua ah khan an vui.

2 SIANGPAHRANG 8:24

Cuticun Joram cu a pupa hna sinah a it i a pupa hna sinah David khua chungah an vui; cun a fapa Ahaziah kha amah hmun ah khan a hung bawi.