2 SIANGPAHRANG 9:27 - Lai (Hakha) Common Language Bible 2006

²⁷ Mah hihi Judah siangpahrang Ahaziah nih a hmuh tikah Beth-haggan lei ah a zam. Cun Jehu nih a dawi i, “Amah zong khi kap u,” tiah a ti i Ibleam pawng Gur i hung kainak cho ah khan a rangleng chungah an kah. Cun Megiddo ah a zam i khika ah a thi.

2 SIANGPAHRANG 9:27 Խաչաձեւ Հղումներ

BIACEIHTU 1:27

Manasseh nih Beth-shean le a khuate hna i a ummi si hna seh, Taanak le a khuate hna i a ummi si hna seh, Dor le a khuate hna i a ummi si hna seh, Ibleam le a khuate hna i a ummi si hna seh, Megiddo le a khuate i a ummi si hna seh, a dawi hna lo; sihmanhsehlaw Kanaan mi hna cu cu ram ah cun an i benh peng ko.

JOSHUA 17:11

Cun Issakhar le Ahser chung zongah cun Beth-shean le a khuate hna, Ibleam le a khuate hna, Dor le a khuate hna, i a ummi hna Endor le a khuate hna i a ummi hna Taanak le a khuate hna i a ummi hna, Megiddo le a khuate hna i a ummi hna cu Manasseh ta an si; a pathumnak cu Nafath a si.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

2 SIANGPAHRANG 8:29

Cun Siria siangpahrang Hazael he an i tuk tikah Siria mi nih Ramah khua ah an hliamnak a hma kha damter awkah, Joram Siangpahrang cu Jezreel ah a kir. Cun amah cu a zawt caah cun, Judah siangpahrang Jehoram i a fapa Ahaziah nih khan Jezreel i a ummi Joram, Ahab fapa cu va zoh awkah a vung kal.

1 SIANGPAHRANG 21:2

Cun Ahab nih Naboth cu a thawh i, “Na mitsur dum cu ka inn pawngah a um caah an hringso dum ah ka hman nakhnga, ka pe tuah; cun a can ah mitsur dum ṭha deuh kan pek lai; cucu a si lo le, nangmah nih a ṭha na ti ahcun, a man cu tangka in kan pek ko lai,” tiah a ti.

1 SIANGPAHRANG 4:12

Jezreel thlang Zarethan pawng i a ummi Beth-shean vialte le, cun Beth-shean in Abelmeholah tiang, cun Jokmeam khattelei ral tiang, cun Taanak le Megiddo ah Alihud fapa Baana;

BIACEIHTU 5:19

“Siangpahrang an ra, an rak doh hna; Khi tikah Taanak ah, Megiddo ti pawngah, Kanaan siangpahrang cu an doh hna; Ngun hranchaw zeihmanh an hmu lo.

NAMBAR 16:26

Cun aa pummi hna sinah cun, “Hi miṭhalo hna thlam hna hin ṭian u, tiah kan nawl hna, cun an thil zong zeihmanh tawng hlah u, an sualnak chungah fenh chih nan si sual lai,” tiah a ti.

2 SIANGPAHRANG 10:4

Sihmanhsehlaw an ṭih tuk hringhran i, “Zohhmanh, siangpahrang pahnih hna hmanh nih khan an dirh kho lo, kannih chinchin nih zeitindah kan dirh khawh lai?” tiah an ti.

2 SIANGPAHRANG 11:1

Ahaziah nu Athaliah nih a fapa a thih kha a hngalh tikah, a tho i siangpahrang innchungkhar vialte kha a thah hna.

2 SIANGPAHRANG 12:1

Jehu a bawi kum sarihnak ah Joash cu bawi hram aa thawk i Jerusalem in kum sawm li a uk. A nu min cu Zibiah a si, Beersheba khuami a si.

2 SIANGPAHRANG 12:21

Amah kha a tu i a thattu hna cu a sinum Shimeath fapa Jozakar le Shomer fapa Jehozabad an si. David khua chungah a pupa hna sinah an vui i a fapa Amaziah cu amah hmun ah khan bawi a cang.

2 SIANGPAHRANG 14:19

Cun amah rawinak ding kha Jerusalem ah an tuah i Lakhish ah a zam. Sihmanhsehlaw Lakhish ah cun mi an hei dawiter hna i khika ah khan an thah.

2 SIANGPAHRANG 21:23

Cun Amon cu a sinum hna nih an rawi i siangpahrang inn chungah khan an thah.