2 SIANGPAHRANG 9:20 - Lai (Hakha) Common Language Bible 2006

²⁰ Cun ralvengtu nih khan, “A va phak ko hna, sihmanhsehlaw a ra kir ṭhan lo. Cun a mawngh ning zong khi choi cukmak in a mawngh caah, Nimshi fapa Jehu mawngh ning a lo,” tiah a ti.

2 SIANGPAHRANG 9:20 Խաչաձեւ Հղումներ

2 SAMUEL 18:27

Cun ralvengtu nih cun, “A hmasa bik a tlikning khi Zadok fapa Ahimaaz tlikning he aa lo tiah ka ruah,” tiah a ti. Cun siangpahrang nih, “Amah cu miṭha a si i thawngpang ṭha he a ra lai,” tiah a ti.

HABAKKUK 3:12

Hronak he vawlei ah cun naa chawk i Na thinhun in miphun cu na lamh hna.

HABAKKUK 1:6

Mah cucu hihi a si: Khaldi mi cu ka thawhter hna lai, Annih cu mipuar, mithintawi an si; Anmah inn a si lomi lak awkah khan vawlei cung khuazakip ah an kal.

DANIEL 11:44

Khi tikah nichuahlei le chaklei in thawngpang a hung thangmi nih amah cu an lauter lai i mi tampi kha thah awk le hloh awkah thinhung ngaiin a chuak lai.

ISAIAH 54:16

“Soser kha ka ser hna, annih nih so kha an ser i hriamnam kha an chuah. Cun ralkap zong kha ka ser hna i annih nih hriamnam kha mi thahnak ah an hman.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

2 SIANGPAHRANG 10:16

Cun anih nih, “Ka sinah ra law, Bawipa ca i ka ṭanning hi ra zoh tuah,” tiah a ti. Cucaah a rangleng ah khan a citter.

1 SIANGPAHRANG 19:17

Hazael vainam in a luatmi cu Jehu nih a rak thah hna lai; cun Jehu vainam in a luatmi cu Elisha nih a rak thah hna lai.

2 SIANGPAHRANG 9:2

Cun khika na phak tikah, Nimshi fapa Jehoshafat i fapa Jehu kha va kawl tuah; cun va lut law a hawile sin khan thawhter law chungchin dal chungah luhpi.

2 SIANGPAHRANG 9:19

Cun rangcung ralkap pahnihnak a hei thlah ṭhan i an sin a phak tikah, “Siangpahrang nih, ‘Daihnak a si maw?’ a ti,” tiah a ti. Cun Jehu nih, “Daihnak kong ah naa thlaknak zeidah a um? I mer law ka hnu khan ka zul ko,” tiah a leh.