2 SIANGPAHRANG 9:14 - Lai (Hakha) Common Language Bible 2006

¹⁴ Cuticun Nimshi fapa Jehoshafat i fapa Jehu nih cun Joram cu a rawi. (Cu lioah cun Joram cu Israel mi vialte he Siria siangpahrang Hazael kha doh awkah Ramoth-gilead ah an um;

2 SIANGPAHRANG 9:14 Խաչաձեւ Հղումներ

2 SIANGPAHRANG 8:28

Siria siangpahrang Hazael kha Ramoth-gilead i doh awkah Ahab fapa Joram he an kal i khika ah Siria mi nih Joram cu an hliam.

1 SIANGPAHRANG 22:3

Cun Israel siangpahrang nih a sinum hna cu a thawh hna i, “Ramoth-gilead khi kanmah ta a si kannih nih dai tein kan um ko i Siria siangpahrang kut chungin kan chut lo ti kha nan hngal maw?” tiah a ti hna.

2 SIANGPAHRANG 15:30

Cun Elah fapa Hoshea nih Remaliah fapa Pekah cu a rawi i a tuk i a thah i Uzziah fapa Jotham a bawi kum kulnak ah khan, amah hmun ah cun bawi a cang.

2 SIANGPAHRANG 10:9

Cun a thaizing i a va chuah i a dir tikah, mi vialte sinah cun, “Nannih cu sualnak nan ngei lo. Ka bawipa a rawi i a thattu cu keimah ka si sihmanhsehlaw mah vialte hi aho nih dah an thah hna?

2 SIANGPAHRANG 9:31

Cun Jehu cu kutka i a luh ah khin, “Nang Zimri, a bawipa a nawngtupa, daihnak in a si maw?” tiah a ti.

1 SIANGPAHRANG 16:16

cun a riahhnawhtu ralkap nih khan, “Zimri nih a rawi i siangpahrang kha a thah,” tiah an theih; cucaah Israel mi vialte nih ralkapbu haotu Omri kha cu ni ah cun riahhmun ah cun Israel siangpahrang ah an ser.

1 SIANGPAHRANG 16:9

Sihmanhsehlaw a rangleng hnarcheu haotu Zimri nih a rawi. Tirzah khua i a um lio, a innchungkhar zohkhenhtu a simi Arza inn i ri lakin zu aa din ah khan,

1 SIANGPAHRANG 16:7

Cuhleiah Baasha le a innchungkhar he ralchanh in, a kut tuahmi thil in Bawipa cu a thin a phawh i a mithmuh i ṭhat lonak a tuahmi vialte ca le Jeroboam innchungkhar bantuk a si i a hrawh zong a hrawh caah khan, Hanani fapa profet Jehu sinin Bawipa bia cu a ra.

1 SIANGPAHRANG 15:27

Issakhar chungkhar mi Ahijah i fapa Baasha nih amah cu a rawi i Filistin mi ta a simi Gibbethon khua ah khan Baasha nih cun a thah; Nadab le Israel mi vialte nih Gibbethon cu an dum lio a rak si.

2 SIANGPAHRANG 9:2

Cun khika na phak tikah, Nimshi fapa Jehoshafat i fapa Jehu kha va kawl tuah; cun va lut law a hawile sin khan thawhter law chungchin dal chungah luhpi.

2 SIANGPAHRANG 8:29

Cun Siria siangpahrang Hazael he an i tuk tikah Siria mi nih Ramah khua ah an hliamnak a hma kha damter awkah, Joram Siangpahrang cu Jezreel ah a kir. Cun amah cu a zawt caah cun, Judah siangpahrang Jehoram i a fapa Ahaziah nih khan Jezreel i a ummi Joram, Ahab fapa cu va zoh awkah a vung kal.

2 SIANGPAHRANG 12:21

Amah kha a tu i a thattu hna cu a sinum Shimeath fapa Jozakar le Shomer fapa Jehozabad an si. David khua chungah a pupa hna sinah an vui i a fapa Amaziah cu amah hmun ah khan bawi a cang.