2 SIANGPAHRANG 9:1 - Lai (Hakha) Common Language Bible 2006

¹ Khi tikah profet Elisha nih profet fapa hna lakin pakhat kha a auh i, “Na taisawm i sawmh law hi chiti thawl hi i put, cun Ramoth-gilead ah va kal.

2 SIANGPAHRANG 9:1 Խաչաձեւ Հղումներ

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

2 SIANGPAHRANG 4:29

Cun Gehazi cu a thawh i, “Na biar i rengh law ka ṭhiangṭhunh kha i put law va kal tuah. Ahohmanh na ton hna ahcun va biachawn hna hlah; cun ahohmanh nih an in chawnh ahcun va let hna hlah; cun ka ṭhiangṭhunh cu ngakchia hmai cungah khan na va chiah lai,” tiah a ti.

1 SIANGPAHRANG 1:39

Khika ah tlangbawi Zadok nih thlam chung khan chiti chiahnak ki cu a lak i Solomon kha a thuh. Cun muko kha an tum i, mi vialte nih khan, “Solomon Siangpahrang cu saupi nung ko seh!” an ti.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.

2 SIANGPAHRANG 2:3

Cun profet fapa hna, Bethel i a ummi kha Elisha sinah cun an ra chuak i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si, ka hngalh; dai tein um ko u,” tiah a ti.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

JEREMIAH 1:17

Sihmanhsehlaw nang cu na lung ṭhawng ko, tho law nawl kan pekmi vialte kha chim hna. Annih ruangah na lung dong hlah, atu i na lung a dongh ahcun an hmaika i na um tikah na lung kaan donghter chinchin sual lai.

1 SIANGPAHRANG 22:20

cun Bawipa nih a thawh i, ‘Ahab cu Ramoth-gilead ah a hung kal i khika ah a thih naklai ahodah a lem lai?’ tiah a ti. Cun pakhat nih thil pakhat a chim i a dang pakhat nih thil dang pakhat a chim ve.

1 SIANGPAHRANG 22:4

Cun Jehoshafat cu a thawh i, “Ramoth-gilead i vaa tuk awkah na ka kalpi hnga maw?” tiah a ti. Cun Jehoshafat nih Israel siangpahrang cu a thawh i, “Kei le nang cu mi khat kan si ko, ka mi cu na mi an si ve ko i ka rang cu na rang an si ve ko,” tiah a ti.

1 SIANGPAHRANG 20:35

Cun profet fapa hna lak i pakhat nih khan a hawipa pakhat cu, “Ka tu tuah, tiah kan nawl,” tiah Bawipa nawl peknak thawngin a ti. Sihmanhsehlaw mipa nih tuk cu a al.

1 SIANGPAHRANG 18:46

Cun Bawipa kut cu Elijah cungah khan a um i a biar aa rengh i Ahab hlanah Jezreel luhnak kutka ah khan a rak tli.

DEUTERONOMI 4:3

Bawipa nih Baal-peor ah a tuahmi kha nan mit nih a hmuh cang, zeitintiah Bawipa nan Pathian nih Peor i Baal a zulmi vialte kha nannih lakin a hrawh hna;

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

MATTHAI 26:7

nu pakhat a ra i lungrang thawl khatte in zihmui a man a fak ngaingaimi kha a rak i put i rawl a ei lioah khan a lu ah a toih.

1 SIANGPAHRANG 19:16

Cun Nimshi fapa Jehu cu Israel siangpahrang si awkah chiti na thuh lai; cun Abel-meholah khuami Shafat fapa Elisha kha nangmah changtu profet si awkah chiti na thuh lai.

2 SIANGPAHRANG 9:4

Cucaah tlangval, profet cu, Ramoth-gilead ah cun a kal.

2 SIANGPAHRANG 2:5

Cun profet fapa hna Jeriko i a ummi kha Elisha pawngah cun an ra i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si ka hngalh; dai tein um ko u,” tiah a leh hna.

2 SIANGPAHRANG 2:7

Profet fapa hna chung khan sawm nga an kal ve i Jordan tiva pawng i an pahnih in an dir lioah khan lamhla nawn in an dir.

2 SIANGPAHRANG 2:15

Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.

2 CHANRELNAK 22:1

Cun Jerusalem khuami hna nih cun a fapa hniang bik Ahaziah kha amah hmun ah cun siangpahrang ah an ser; zeitintiah Arab mi hna he riahhmun i a rami hna nih khan a fapa upa deuh vialte kha cu an thah dih hna. Cucaah Judah siangpahrang Jehoram fapa Ahaziah cu bawi ah a cang.

2 CHANRELNAK 22:5

An fimchimhning bang khan a zulh i Ahab fapa Joram, Israel siangpahrang sinah khan Siria siangpahrang Hazael cu tuk awkah Ramoth-gilead ah a kal. Cun Siria mi hna nih cun Joram cu an hliam i