2 SIANGPAHRANG 8:28 - Lai (Hakha) Common Language Bible 2006

²⁸ Siria siangpahrang Hazael kha Ramoth-gilead i doh awkah Ahab fapa Joram he an kal i khika ah Siria mi nih Joram cu an hliam.

2 SIANGPAHRANG 8:28 Խաչաձեւ Հղումներ

2 CHANRELNAK 22:5

An fimchimhning bang khan a zulh i Ahab fapa Joram, Israel siangpahrang sinah khan Siria siangpahrang Hazael cu tuk awkah Ramoth-gilead ah a kal. Cun Siria mi hna nih cun Joram cu an hliam i

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

2 CHANRELNAK 18:31

Cun rangleng ralbawi hna nih khan Jehoshafat kha an hmuh tikah, “Amah hi Israel siangpahrang cu a si ko,” tiah an ti. Cucaah amah tuk awkah khan an i mer; cun Jehoshafat cu a au i Bawipa nih a bawmh.

2 SIANGPAHRANG 9:15

sihmanhsehlaw Siangpahrang Joram cu, Siria siangpahrang Hazael he an i tuknak i Siria mi nih an hliamnak a hma kha damter awkah Jezreel ah khan a kir cang). Cun Jehu nih, “Mah hihi nan lung a si ahcun, ahohmanh hi thawng cu Jezreel khua i va chim awkah hi khua chung hin i zuk hlah u,” tiah a ti.

2 SIANGPAHRANG 8:15

Sihmanhsehlaw a thaizing ah aa khuhmi puan kha a lak i ti ah a hnim i a hmai a khuh i a thi. Cun Hazael cu amah hmun ah khan siangpahrang ah a cang.

2 SIANGPAHRANG 3:7

Cun a kal i Judah siangpahrang Jehoshafat kha bia a cah i, “Moab siangpahrang nih a ka doh; Moab doh awkah ral tuknak hmun ah na ka kalpi lai maw?” tiah a ti. Cun anih nih, “Kan kalpi lai; keimah le nangmah cu pum khat kan si, ka mi cu na mi an si ve ko i ka rangtum hna cu na rangtum an si ve ko,” tiah a ti.

1 SIANGPAHRANG 22:29

Cucaah Israel siangpahrang le Judah siangpahrang Jehoshafat cu Ramoth-gilead ah khan an hung kal.

1 SIANGPAHRANG 19:17

Hazael vainam in a luatmi cu Jehu nih a rak thah hna lai; cun Jehu vainam in a luatmi cu Elisha nih a rak thah hna lai.

1 SIANGPAHRANG 4:13

Ramoth-gilead ah Bengeber (amah nih Manasseh fapa Jair i a khua hna, Gilead i a ummi hna kha a ngeih hna i cun Bashan i a ummi Argob peng khua ngan sawm ruk vampang le dar kothrolh a ngeimi hna a ngeih hna);

JOSHUA 21:38

cun Gad phun chungin Gilead ah a ummi Ramoth, mi thattu caah himnak khua a simi le a saṭil tlonnak ram hna, Mahanaim le a saṭil tlonnak ram hna,

2 SIANGPAHRANG 8:29

Cun Siria siangpahrang Hazael he an i tuk tikah Siria mi nih Ramah khua ah an hliamnak a hma kha damter awkah, Joram Siangpahrang cu Jezreel ah a kir. Cun amah cu a zawt caah cun, Judah siangpahrang Jehoram i a fapa Ahaziah nih khan Jezreel i a ummi Joram, Ahab fapa cu va zoh awkah a vung kal.

2 SIANGPAHRANG 9:1

Khi tikah profet Elisha nih profet fapa hna lakin pakhat kha a auh i, “Na taisawm i sawmh law hi chiti thawl hi i put, cun Ramoth-gilead ah va kal.

2 SIANGPAHRANG 9:14

Cuticun Nimshi fapa Jehoshafat i fapa Jehu nih cun Joram cu a rawi. (Cu lioah cun Joram cu Israel mi vialte he Siria siangpahrang Hazael kha doh awkah Ramoth-gilead ah an um;

JOSHUA 20:8

Cun Jeriko nichuahlei Jordan tiva ral ah Reuben phun chungin tlangrawn ram ramlak i a ummi Bezer le, Gad phun chungin Gilead i a ummi Ramoth le, Manasseh phun chungin Bashan i a ummi Golan kha an thim hna.

2 SIANGPAHRANG 9:16

Cun Jehu cu a rangleng kha aa cit i Jezreel ah a kal, zeicahtiah khika ah Joram cu a kuah ko. Cun Judah siangpahrang Ahaziah cu amah zoh awkah khan a rung.