2 SIANGPAHRANG 8:24 - Lai (Hakha) Common Language Bible 2006

²⁴ Cuticun Joram cu a pupa hna sinah a it i a pupa hna sinah David khua chungah an vui; cun a fapa Ahaziah kha amah hmun ah khan a hung bawi.

2 SIANGPAHRANG 8:24 Խաչաձեւ Հղումներ

2 CHANRELNAK 25:23

Cun Israel siangpahrang Jehoash nih Ahaziah fapa Joash fapa Amaziah, Judah siangpahrang cu Beth-shemesh ah a tlaih i Jerusalem ah a kalpi i Jerusalem khua kulhnak vampang cu dong za li, Efraim Kutka in Kil Kutka tiang a chimh.

2 CHANRELNAK 22:6

Siria siangpahrang Hazael he an i tuk tikah Ramah i hma an banhmi kha i conghhramh awkah Jezreel khua ah a kir ṭhan. Cun Ahab fapa Joram cu a zawt caah khan amah cu Jezreel khua i vung zoh awkah Jehoram fapa Ahaziah Judah siangpahrang cu a vung kal.

2 CHANRELNAK 21:17

Judah cu an hunhnawh i an chim i siangpahrang inn chung thil a si tiah an hmuhmi vialte le a fapa hna le a nupi hna zong kha an kalpi dih hna i a fapa hniang bik Jehoahaz dah ti lo kha cu fapa pakhat hmanh an nganh ta lo.

2 CHANRELNAK 21:1

Jehoshafat cu a pupa hna sinah a it i a pupa hna sinah David khua ah an vui; cun a fapa Jehoram cu amah hmun ah khan a hung bawi.

2 CHANRELNAK 21:20

Pen hram a thawk ah kum sawm thum le kum riat a si i Jerusalem in kum riat a pen; cun ahohmanh ngaihchiat loin a thi. David khua chungah khan an vui; sihmanhsehlaw siangpahrang hna thlan ah khan cun an vui lo.

1 CHANRELNAK 3:11

cu fapa ah Joram, cu fapa ah Ahiziah, cu fapa ah Joash,

1 SIANGPAHRANG 14:31

Cun Rehoboam cu a pupa hna sinah khan a it i David khua chungah khan a pupa hna sinah cun an vui. A nu min cu Naamah a si, amah cu Ammon minu a si. Cun a fapa Abijam kha amah hmun ah cun a hung bawi.

1 SIANGPAHRANG 14:20

Cun Jeroboam nih a pen chung cu kum kul le kum hnih a si; a pupa hna sinah khan a it i a fapa Nadab kha amah hmun ah cun a hung bawi.

1 SIANGPAHRANG 11:43

Cun Solomon cu a pupa hna sinah a it i a pa David khua ah khan an vui; cun a fapa Rehoboam kha amah hmun ah cun a hung bawi.

1 SIANGPAHRANG 2:10

Cun David cu a pupa hna sinah a it i David khua ah khan an vui.

2 SIANGPAHRANG 8:23

Joram tuahsernak a tang rihmi le a tuahmi vialte cu, Judah Siangpahrang hna Chanrelnak Cauk chungah an i ṭial lo mei?

2 SIANGPAHRANG 10:13

Judah siangpahrang Ahaziah rualchan kha Jehu nih a ton hna i, “Ahodah nan si?” tiah a ti. Annih nih, “Kannih cu Ahaziah rualchan kan si i siangpahrang fapa hna kha le siangpahrang bawinu a nu fapa hna kha va tlawn awkah kan rung,” tiah a ti.

2 CHANRELNAK 21:7

Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo.

2 CHANRELNAK 22:1

Cun Jerusalem khuami hna nih cun a fapa hniang bik Ahaziah kha amah hmun ah cun siangpahrang ah an ser; zeitintiah Arab mi hna he riahhmun i a rami hna nih khan a fapa upa deuh vialte kha cu an thah dih hna. Cucaah Judah siangpahrang Jehoram fapa Ahaziah cu bawi ah a cang.

2 SIANGPAHRANG 9:28

A sinum hna nih khan rangleng in Jerusalem ah an kalpi i David khua chungah a pupa hna sinah a thlan ah an vui.

2 SIANGPAHRANG 14:20

Cun rang in an tlunpi i Jerusalem khua chungah a pupa hna sinah khan David khua chungah an vui.

2 SIANGPAHRANG 15:38

Jotham cu a pupa hna sinah a it i a pu David khua chungah a pupa hna sinah an vui; cun a fapa Ahaz kha amah hmun ah cun bawi a hung cang.

2 SIANGPAHRANG 16:20

Cun Ahaz cu a pupa hna sinah a it i David khua chungah a pupa hna sinah an vui;cun a fapa Hezekiah cu amah hmun ah khan a hung bawi.