2 SIANGPAHRANG 8:19 - Lai (Hakha) Common Language Bible 2006

¹⁹ Sihmanhsehlaw Judah cu Bawipa nih, a sal David ruangah khan, hrawh a duh lo; amah le a tefa hna cu zungzal in meiinn pek awkah bia a rak kam cang hna.

2 SIANGPAHRANG 8:19 Խաչաձեւ Հղումներ

1 SIANGPAHRANG 11:36

Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

HOSEA 11:9

Ka thinhun in kan hrawk lai lo, Israel cu ka hrawk ṭhan lai lo. Zeicahtiah kei cu Pathian ka si, minung ka si lo. A Thiang Mi Keimah cu nan sin i a ummi hi ka si, Nan sinah thinhun in ka ra lai lo.

ISAIAH 37:35

Keimah nih upatnak ka hmuh nakhnga le ka sal David sin i biakamnak ka rak sermi ruangah khan, hi khua cu ka hum lai i ka huhphenh lai,” a ti.

2 SAMUEL 7:15

sihmanhsehlaw nangmah hmai in ka ṭhialmi Saul sinin ka lak bantuk khan a sinin a fekmi ka dawtnak cu ka la lai lo.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

2 CHANRELNAK 21:7

Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo.

2 SIANGPAHRANG 19:34

Zeitintiah hi khua cu keimah ruang le ka sal David ruangah khamh awkah ka humhak lai,” tiah Bawipa nih a ti.

2 SAMUEL 21:17

Sihmanhsehlaw Zeruiah fapa Abishai nih khan amah cu a ra zuanhnawh i Filistin mi kha a tuk i a thah. Khi tikah David cu a mi hna nih khan, “Raltuknak hmun ah kan sinah na kal ti lai lo, Israel mei inn kha na hmih sual hnga,” tiin amah cu chiat an serter.

SALM 132:17

Hika hmun ah hin Siangpahrang David tefa pakhat cu siangpahrang ngan pakhat ah ka ser lai, hika hmun ah hin ka thimmi siangpahrang uknak cu ka hmunhter lai.

2 SAMUEL 7:16

Cun na inn le na pennak cu ka hmaiah a zungzal fek dingin ser a si lai; na bawi ṭhutdan cu zungzal in a hmun lai,’ a ti,” tiah a ti.

1 SIANGPAHRANG 11:12

Sihmanhsehlaw na pa David ruangah nangmah chan chungah cun ka tuah lai lo, na fapa kut chung tu in ka thleh te lai.

1 SIANGPAHRANG 11:13

Asinain ram cu a dihlak in ka thlek lai lo, ka sal David le ka thimmi khua Jerusalem ruangah hin hrin khat cu na fapa cu ka pek lai,” tiah a ti.

2 SIANGPAHRANG 11:2

Sihmanhsehlaw siangpahrang Joram fanu Jehosheba, Ahaziah far nih khan Ahaziah fapa Joash cu a lak i thah awk i ruahmi siangpahrang fapa hna lak khan a thli tein a kalpi i amah le a cawngtunu cu ihnak dal chungah a chiah hna. Cuticun Athaliah sin khan a thuh i cucaah anih cu an that lo;

SALM 132:10

Na sal David kha bia na rak kamh, na thimmi siangpahrang kha hlaw hlah, maw Bawipa.