2 SIANGPAHRANG 8:13 - Lai (Hakha) Common Language Bible 2006

¹³ Cun Hazael nih, “Uico tluk ceo a simi na sal hi zeidah ka si i cu thil lianngan ka tuah hnga cu?” tiah a ti. Elisha nih, “Nangmah cu Siria siangpahrang na si lai kha Bawipa nih a ka hmuhsak cang,” tiah a leh.

2 SIANGPAHRANG 8:13 Խաչաձեւ Հղումներ

1 SAMUEL 17:43

Cun Filistin mipa nih cun David cu, “Uico maw ka si i fung he na ka rathnawh?” tiah a ti. Cun Filistin mipa nih cun a pathian hna kha i chalh in David cu chiat a serh.

1 SIANGPAHRANG 19:15

Cun Bawipa nih a thawh i, “Va kir law Damaskas ramlak leiah khan va kal tuah; cuka na phak tikah Hazael cu Siria siangpahrang si awkah chiti na thuh lai;

2 SAMUEL 9:8

Cun upatnak kha a tuah i, “Na salpa hi zeidah ka si i uico thi cia bantuk keimah hi na ka hramh?” tiah a ti.

MATTHAI 7:6

“A thiangmi thil cu uico kha va pe hna hlah u — an i let lai i nanmah lehlam kha an in seh hna lai. Nan lungvar cu vok hmaiah va thla hlah u, vok nih cun a lamh in an lamh men ko lai.

MIKAH 2:1

An ihkhun cungin ṭhat lonak le sualnak khua a ruat i An ruahmi cu kan tuah khawh sawk tiin tuah awkah deika tein a thomi hna cungah cun ningzahnak tlung ko seh!

SALM 22:20

Vainam chungin ka khamh law kha uico hna sin khan ka nunnak cu khamh ko,

SALM 22:16

Miṭhalo bu nih an ka kulh, uico run bantukin an ka zuanhnawh; ka kut le ka ke ah an ka seh.

2 SIANGPAHRANG 8:10

Cun Elisha nih a thawh i, “Va kal law, amah cu, ‘Na dam ṭhan hrimhrim lai,’ tiah va ti; sihmanhsehlaw Bawipa nih a ka hmuhsak cang i a thi hrimhrim lai,” tiah a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

FILIPI 3:2

Thil ṭhalo a tuahmi hna kha i ralring hna u, nan cuarpar nan i tan awk a si a ti pengmi uico hna kha i ralring hna u.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

2 SIANGPAHRANG 13:22

Siria siangpahrang Hazael nih Jehoahaz chan chung vialte cu Israel mi kha a hrem hna.