2 SIANGPAHRANG 7:15 - Lai (Hakha) Common Language Bible 2006

¹⁵ Cucaah Jordan tiva tiang an dawi hna; cun zohhmanh, Siria mi nih an i hnawhsarenak ah an hlonh tami hnipuan hna le thilri hna kha lampi ah cun a thluangthluan in an ril liangluang ko. Cun lamkal hna cu an kir i siangpahrang kha an chimh.

2 SIANGPAHRANG 7:15 Խաչաձեւ Հղումներ

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

MATTHAI 16:26

Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo.

EZEKIEL 18:31

Thil ṭhalo nan tuahmi kha hlonh hna u law lungthin thar le thlarau thar i lak u.

ISAIAH 31:7

Sualnak siasal sui le ngun in nan i sermi nan hlonh hna caan kha a phan lai.

ISAIAH 22:24

“Sihmanhsehlaw a rualchan vialte hna le a tefa vialte hna cu a caah thilrit an si lai. Thil bahnak in aa thlaimi um le kheng bantukin a cung in an i thlai lai.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

JOB 2:4

Khi tikah Satan nih Bawipa cu a leh i, “Cuar caah cuar! Mi nih cun a ngeihmi vialte cu a nunnak caah cun a sian ko lai ta.

ESTHER 1:7

Cun zu cu sui hrai a phunphun khan an ser hna i siangpahrang nih a ngeihmi a tam rup khan an pek huahmah hna.

2 SIANGPAHRANG 7:14

Cucaah rangleng cittu mi pahnih an lak hna i siangpahrang nih, “Va kal u law va zoh u,” tiin, Siria ralkapbu kha va dawi awkah a thlah hna.

2 SIANGPAHRANG 7:16

Khi tikah mi zapi cu an chuak i Siria mi riahhmun kha an va ramh. Cucaah changvut dip rel khat cu shekel pakhat ah zuarh a si i barli rel hnih cu shekel pakhat ah zuarh a si, Bawipa bia bang khan,

PHUNGCHIMTU 3:6

Kawl caan a um, thlau caan a um; chiah caan a um, hlonh caan a um;