2 SIANGPAHRANG 6:31 - Lai (Hakha) Common Language Bible 2006

³¹ Cun anih nih, “Shafat fapa Elisha kha nihin ah hin a liang cungah a lu kha a taan rih a si ahcun, Pathian nih cu bantukin le cu nak tam deuh zongin ka cungah tuah ko seh,” tiah a ti.

2 SIANGPAHRANG 6:31 Խաչաձեւ Հղումներ

1 SIANGPAHRANG 19:2

Cun Jezebel nih Elijah sinah cun lamkal pakhat a hei thlah i, “Na nunnak cu annih lak i pakhat nunnak bantuk ah khan thaizing atu tik caan i ka ser lo ahcun, cu bantukin le cu nak tam deuh zongin pathian hna nih cun ka cungah tuah ko hna seh,” tiah a ti.

RUTH 1:17

na thihnak ah ka thi ve lai i khika ah cun an ka vui ve ko lai. Pathian nih cu bantukin ka cungah tuah seh law, tam deuh zongin tuah ko seh, thihnak hmanh nih nangmah sinin ka ṭhen ai kun,” tiah a ti.

JOHAN 11:50

Kan miphun hi a ningpi i hrawh nakin kan miphun ca i pakhat thih cu a ṭha deuh ti kha nan hngal lo maw?” tiah a ti hna.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

1 SIANGPAHRANG 18:17

Ahab nih Elijah cu a hmuh tikah, “Nangmah na si maw? Israel hnahnawhnak petupa?” tiah a ti.

1 SIANGPAHRANG 2:23

Cun Solomon Siangpahrang nih Bawipa min chalh in chiat a ser i, “Mah hi bia nih hin Adonijah cu a nunnak a hloh lo a si ahcun, hi bantukin le hi nak tam deuh zongin Pathian nih keimah cungah tuah ko seh!

2 SAMUEL 19:13

Cun Amasa kha, ‘Nangmah cu ka ruh le ka sa na si lo maw? Nangmah cu Joab hmun ah ka ralkapbu haotu na si lo ahcun, Pathian nih cu bangin le cu nak tam zongin ka cungah tuah ko seh,’ a ti, tiah rak chim u,” tiah a ti.

2 SAMUEL 3:35

Cun mi vialte nih David cu chun a si rih lioah khan rawl ei fial awkah an ra, sihmanhsehlaw David nih chiat a ser i “Ni a tlak hlan i changreu siseh, zeipaoh siseh ka teh ahcun, Pathian nih hi bangin le hi nak tam deuh zongin ka cungah tuah ko seh!” tiah a ti.

2 SAMUEL 3:9

Pennak cu Saul hrin chungin ṭhial i David bawi ṭhutdan cu Israel le Judah cungah Dan in Beersheba tiang fehter awkah Bawipa nih a sin i chiat a sermi kha David caah ka tlinter lo ahcun, Pathian nih cu bantukin le tam deuh zongin Abner cungah hin tuah ko seh,” tiah a ti.

1 SAMUEL 25:22

thaizing tiang amah ta a simi a pa pakhat zong ka nganh a si ahcun, hi bantukin Pathian nih David cungah tuah seh law, hi nak tam deuh zongin tuah ko seh,” tiah a rak ti.

1 SAMUEL 14:44

Cun Saul nih, “Pathian nih ka cungah cu bantukin le cu nak tam deuh zongin, tuah ko seh; na thi hrimhrim ko lai, Jonathan,” tiah a ti.

1 SAMUEL 3:17

Cun Eli nih, “An chimhmi cu zeidah a si? Ka sinin thup hlah. An chimhmi vialte chungah khan zeihmanh ka sinin na thuh ahcun, Pathian nih na cungah cu bangin le tam deuh in tuah ko seh,” tiah a ti.

1 SIANGPAHRANG 20:10

Benhadad nih a sinah cun a hei thlah hna i, “Cu bangin pathian hna nih ka cungah tuah hna seh law tam deuh zongin tuah hna seh, Samaria khua leidip cu a ka zultu hna caah pei khat cio in a zaat ding a si ahcun,” tiah a ti.

2 SIANGPAHRANG 5:20

Pathian mi Elisha i a sinum Gehazi nih khan, “Zohhmanh, ka bawipa nih Siria mi Naaman cu, a rak i phorhmi laksawng cohlang loin fawi tuk in a luatter cang. Bawipa a nun bangin, a hnu in ka hei dawi lai i amah sinin zeilo tetal ka va lak tuah lai,” tiah a ti.

PHUNGTHLÛKBIA 16:14

Mifim nih cun siangpahrang cu a lung lawmhter aa zuam, siangpahrang cu a thin a hun ahcun pakhatkhat thah an si sual lai.