2 SIANGPAHRANG 6:26 - Lai (Hakha) Common Language Bible 2006

²⁶ Cun Israel siangpahrang cu ralhau cung i a kal lioah khan nu pakhat nih a hei auh i, “Maw siangpahrang, ka bawipa, ka bawm tuah,” tiah a ti.

2 SIANGPAHRANG 6:26 Խաչաձեւ Հղումներ

2 SAMUEL 14:4

Tekoa minu cu siangpahrang sinah a rat tikah vawlei lei hoih in a bawk i upatnak kha a tuah i, “Maw siangpahrang ka bawm tuah,” tiah a ti.

LAMKALTU 21:28

“Israel mi hna, kan bawm tuah u. Hi pa hi pei a kenkiplo ah a kal i Israel mi ralchanh le Moses Phungbia ralchanh le hi biakinn ralchanh in mi a cawnpiak lengmangtu hna cu a si cu. Cun atu hi hi biakinn chungah hin Jentail mi hna hmanh kha a luhpi hna i a thurhhnawmhter cang,” tiah an au.

LUKA 18:3

Cun cuka khua ah cun nuhmei pakhat a um ve i ka bia kha ka ceihpiak tuah, tiah atu le atu a ra ti lengmang.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

2 SIANGPAHRANG 6:25

Cun annih nih an kulh caah khan Samaria khua ah cun mangṭam fak ngaingai a tlung i laa lu pakhat nih ngun shekel sawm riat a man i ṭhuro ek kab cheu li cheu khat nih ngun shekel panga a man.

2 SIANGPAHRANG 6:27

Cun anih nih, “Bawipa nih an bawmh lo ahcun kei nih khuazei in dah kan bawmh khawh lai? Nangmah caah phuhri in siseh, mitsur nennak hmun in siseh, bawmhnak cu kan hmuhpiak khawh lai maw?” tiah a ti.

GENESIS 41:55

Izipt ram chung mi vialte cu an rawl a hung ṭam tikah Faro sinah cun rawl cu an hal. Anih nih Izipt mi cu a thawh hna i, “Josef sinah va kal u law a chimning paoh in va tuah u,” a ti hna.