2 SIANGPAHRANG 6:21 - Lai (Hakha) Common Language Bible 2006

²¹ Israel siangpahrang nih khan a hmuh tik hna ah Elisha sinah cun, “Ka pa, ka thah hna lai maw? Ka thah hna lai maw? tiah a ti.

2 SIANGPAHRANG 6:21 Խաչաձեւ Հղումներ

2 SIANGPAHRANG 5:13

Sihmanhsehlaw a sinum hna nih khan an va naih i, “Ka pa, profet nih khan thil ngan pakhatkhat tuah in fial seh law tuah loin maw na um hnga? A si kun ahcun, ‘Va kholh law va thiang; an ti tikah hin, zeitluk in dah tuah chinchin awk a si,” tiah an ti.

2 SIANGPAHRANG 8:9

Cucaah Hazael cu amah don awkah khan a kal i laksawng, Damaskas thilri a phun phun, kalauk sawm li phor aa phorh. Cun a phak i a hmai i a dir tikah khan, “Na fapa Benhadad, Siria siangpahrang nih keimah cu nangmah sinah a ka thlah i, ‘Hi zawtnak hin ka dam ṭhan lai maw?’ a ti,” tiah a ti.

2 SIANGPAHRANG 2:12

Cun Elisha nih khan mah cucu a hmuh i, “Ka pa, ka pa! Israel mi rangleng hna le rang cung ralkap hna khing,” tiah a au. Cun cu hnu cu amah kha a hmu ti lo. Khi tikah amah a puan kha aa tlaih hna i cheu hnih ah a cheu hna.

LUKA 22:49

Jesuh cu a sin i a ummi a zultu hna nih khan thil umtuning kha an hmuh tikah an thawh i, “Bawipa, kan vainam kan hmang hna lai maw?” an ti.

2 SIANGPAHRANG 13:14

Elisha cu a thihpi hnga ding zawtnak in a zawt tikah, Israel siangpahrang Jehoash cu a vung kal i a hmaiah a ṭap i, “Ka pa, ka pa! Israel mi rangleng hna le rangcung ralkap hna khing!” tiah a ti.

1 SAMUEL 26:8

Khi tikah Abishai nih David cu, “Pathian nih nihin ah hin na ral cu na kut chungah an pek ko; cucaah fei in voi khat chunhte ah amah hi vawlei ah bunh chih ko ning, voi hnih ka chun lai lo,” tiah a ti.

1 SAMUEL 24:19

Zeitintiah mipa nih a ral kha a hmuh ahcun, him tein a kalter ko hnga maw? Cucaah nihin i ka cung i na tuahmi caah hin Bawipa nih ṭhatnak in in lehrul ko seh.

1 SAMUEL 24:4

Cun David cu a mi hna nih khan, “Zohhmanh, na ral cu na kut chungah kan pek lai i nangmah nih a ṭha na tining paoh in a cungah na tuah lai, tiah Bawipa nih an timi ni kha mah hihi a si cang,” tiah an ti. Cun David cu a tho i a thlite in Saul puanki par kha a va hleh.