2 SIANGPAHRANG 6:17 - Lai (Hakha) Common Language Bible 2006

¹⁷ Cun Elisha nih thla a cam i, “Maw Bawipa, a hmuh khawh nakhnga, a mit hi hun auter ko,” tiah a ti. Cucaah Bawipa nih tlangvalpa mit cu a auter i a hmuh; cun zohhmanh, Elisha velchum ah cun, tlang cu rang le mei rangleng in a khat.

2 SIANGPAHRANG 6:17 Խաչաձեւ Հղումներ

SALM 68:17

A ṭhawngmi a rangleng thong tampi he Bawipa cu Sinai Tlang in a ra i a hmunthiang ah cun a lut.

SALM 34:7

Bawipa a ṭihmi cu a vancungmi nih khan an zoh hna i ṭihnak chungin an luatter hna.

2 SIANGPAHRANG 2:11

Cun an kal lengmang i bia an i ruah lio lengmang ah cun, zohhmanh, mei rangleng pakhat le mei rang hna nih annih pahnih cu an ṭhen hna. Cun Elijah cu phuchim in vancung ah a kai.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

MATTHAI 26:53

Ka pa kha bawmhnak ka hal khawh ko i khulrang in vancungmi ralkap bu hleihnih a run ka thlah khawh ko ti kha na hngal lo maw?

ISAIAH 42:7

Mitcaw cu an mit na auter hna lai i a muimi thonginn chungah a ṭhumi cu na luatter hna lai.

SALM 119:18

Na nawlbia chung i a ummi khuaruahhar biatak kha ka hmuh khawh nakhnga, ka mit ka auter ko.

BIAPHUAN 19:14

Vancung ralkap bu nih khan rang rang cungin an zulh i puan rang in an i thuam.

EFESA 1:18

Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam i

ZEKHARIAH 1:8

Zahan ah langhnak pakhat ka hmuh. Kuar pakhat ah hin mipa pakhat ka hmuh i cu pa cu lenhmui thingkung lakah a dir i rangtum sen aa cit; cun a hnuah cun rang dang a nak le a pawl le a rang kha an um.

SALM 91:11

Na kalnak kip i nangmah zohkhenhtu dingah Pathian nih a vancungmi kha a chiah hna lai.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

SALM 104:3

cunglei i a ummi ti cungah khin na inn cu na sak. Khuadawm cu rangleng ah na hman hna i thlitu cu an thla cung cit awkah na hman hna.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.

GENESIS 21:19

Cun Pathian nih Hagar cu a mit kha khua a hun hmuhter i tikhor pakhat a hmuh. A va kal i ti thawl khan ti cu a va than i ngakchiapa kha a dinh.

GENESIS 32:1

Jakob cu a kal lengmang i Pathian vancungmi nih khan an ton.

SALM 104:4

Thlitu cu na lamkaltu ah na hman hna i nimtlau cu na sal ah na hman hna.

DANIEL 10:7

Keimah Daniel lawnglawng nih cu langhnak cu ka hmuh, ka pawng i a ummi hna nih cun an hmu lo, sihmanhsehlaw ṭihnak nganpi nih khan a tlunhnawh hna i an i zukphiak dih i keimah lawng kha ka tang i hi langhnak nganpi cu ka zoh ko.

GENESIS 32:2

A hmuh hna tikah, “Hi hi pei Pathian ralkapbu a si hi,” a ti i cucaah cuka hmun cu a min ah Mahanaim a sak.

GENESIS 32:3

Jakob nih a u Esau sinah khan, Seir peng Edom ram ah cun lamkaltu a hei thlah hna.

NAMBAR 22:31

Cu tikah Bawipa nih Balaam cu a mit a auter i, Bawipa vancungmi, vainam zuh cia a kut ah i put in, lamkalai ah a dir ko kha a hmuh, cun a lu a khun i a bawk.

SALM 125:2

Tlang nih Jerusalem khua kha an kulh bangin, Bawipa nih a mi cu a kulh hna, atu thawk in zungzal tiang a kulh hna.