2 SIANGPAHRANG 6:15 - Lai (Hakha) Common Language Bible 2006

¹⁵ Pathian mipa sinum cu zingka in a thawh i a chuah tikah, zohhmanh, ralkapbu cu rang le rangleng he khua velchum cun an rak um. Cun sinum nih cun, “Aize, ka bawipa! Zeidah kan tuah lai?” tiah a ti.

2 SIANGPAHRANG 6:15 Խաչաձեւ Հղումներ

MATTHAI 8:26

Jesuh nih cun, “Zeicahdah cu ti lawmmam cun nan thin a phan? Nan hei ka bochan lo hringhran dah!” tiah a leh hna. Cun a tho i thli le tilet cu nawl a pek hna i dai zirziar tein rili cu a um ṭhan.

2 CHANRELNAK 20:12

Maw kan Pathian, an cungah biaceihnak na tuah hnga lo maw? Zeitintiah kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” tiah a ti.

SALM 53:5

Sihmanhsehlaw Pathian nih nan ral hna cu an ruh kha a ṭhek dih hna caah an thin a phang ngaingai lai; hmasa i an thin a rak phan tawnning bantuk sawhsawh kha si loin atu cu an thin a phang taktak lai. Annih cu a hlawt cang hna caah an sung cikcek lai.

EXODUS 24:13

Moses cu a sal Joshua he khan an i tim i Pathian tlang ah cun an hung kai.

LAMKALTU 13:5

Salamis khua an phak tikah khika ah Judah mi hna pumhnak inn ah khan Pathian bia kha an chim. An rian a bawmtu hna caah Johan Marka kha an i kalpi.

2 SIANGPAHRANG 6:5

Sihmanhsehlaw pakhat pa cu thing a hau lioah khan a hreitlung fang cu ti chungah a tla; cun a au i, “Aize! ka bawipa, hlanmi a si ai ee,” tiah a ti.

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

2 SIANGPAHRANG 5:20

Pathian mi Elisha i a sinum Gehazi nih khan, “Zohhmanh, ka bawipa nih Siria mi Naaman cu, a rak i phorhmi laksawng cohlang loin fawi tuk in a luatter cang. Bawipa a nun bangin, a hnu in ka hei dawi lai i amah sinin zeilo tetal ka va lak tuah lai,” tiah a ti.

2 SIANGPAHRANG 3:11

Cun Jehoshafat nih a thawh i, “Hika ah hin Bawipa a kan halpiaktu ding Bawipa profet aho tal an um lo maw?” tiah a ti. Cu tikah Israel siangpahrang sinum pakhat nih a leh i, “Elijah kut i ti a rak toihtu Elisha, Shafat fapa kha hika ah hin a um ko,” tiah a ti.

1 SIANGPAHRANG 19:21

Cun amah zulhnak cun a kir i cawtum tuah khat cu aa lak i a thah hna i an sa cu caw lei thuannak thing cun a chuan i mi cu a pek hna i an ei. Cun a tho i Elijah kha a zulh i amah cu a rian kha a ṭuanpiak.

2 SIANGPAHRANG 6:14

Cucaah khika ah rang hna le rangleng hna le ralkapbu nganpi a thlah i zan ah an ra i khua cu an dum.

2 SIANGPAHRANG 6:16

Anih nih a thawh i, “Ṭih hlah, zeitintiah kan sin i a ummi hna cu an sin i a ummi hna nakin an tam deuh,” tiah a ti.