2 SIANGPAHRANG 6:10 - Lai (Hakha) Common Language Bible 2006

¹⁰ Cun Israel siangpahrang nih Pathian mi nih a chimhmi hmun ah khan mi a thlah hna. Cu bantukin ralrinnak kha a pek tawn i cucaah khika ah voi khat voi hnih lawng si loin aa khamh tawn.

2 SIANGPAHRANG 6:10 Խաչաձեւ Հղումներ

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

LAMKALTU 27:24

‘Paul, na thinphang hlah. Siangpahrang hmaika ah cun na dir ṭhiamṭhiam ko lai; cun Pathian nih amah ṭhatnak thawngin nangmah sinah a kalmi vialte an nunnak hi nangmah kha an pek,’ a ka ti.

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

MATTHAI 2:12

Pathian nih an mang ah Herod sin i kir ti lo ding khan a chimh hna i cucaah lam dang in an ram ah khan an kir.

PHUNGTHLÛKBIA 27:12

Mifim nih cun harnak a rat kha a hmuh tikah hrial khawh aa zuam, sihmanhsehlaw mihrut nih cun a pahchih thluahmah ko i a hnuah aa ngaihchih.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

2 SIANGPAHRANG 13:14

Elisha cu a thihpi hnga ding zawtnak in a zawt tikah, Israel siangpahrang Jehoash cu a vung kal i a hmaiah a ṭap i, “Ka pa, ka pa! Israel mi rangleng hna le rangcung ralkap hna khing!” tiah a ti.

2 SIANGPAHRANG 5:14

Cucaah Pathian mi bia bangkhan a vung kal i Jordan tiva chungah voi sarih a vung i hnim i cun a titsa cu a dam i ngakchia note titsa bantuk a si i amah cu a thiang.

2 SIANGPAHRANG 2:12

Cun Elisha nih khan mah cucu a hmuh i, “Ka pa, ka pa! Israel mi rangleng hna le rang cung ralkap hna khing,” tiah a au. Cun cu hnu cu amah kha a hmu ti lo. Khi tikah amah a puan kha aa tlaih hna i cheu hnih ah a cheu hna.

1 SIANGPAHRANG 20:15

Cun peng cheumi uktu bawi hna sinum kha a pumh hna i annih cu za hnih sawm thum pahnih an si; cun annih hnulei ah cun Israel mi vialte cu a pumh hna i thong sarih an si.

2 SIANGPAHRANG 6:9

Sihmanhsehlaw Pathian mi nih Israel siangpahrang cu bia a cah i, “Hi hmun hi pal loin i ralring u, zeitintiah Siria mi cu khika ah khin an vung kal lai,” tiah a ti.

2 SIANGPAHRANG 6:11

Cun hi ruangah hin Siria siangpahrang cu a lungchung in a khuaruah a har ngaingai i a sinum cu a kawh hna i annih cu, “Ahodah kan lak i Israel siangpahrang ta a simi hi nan ka hmuhsak lai lo maw?” tiah a ti.

JEREMIAH 11:18

Ka ral nih ka cungah thil ṭhalo tuah an timhmi cu Bawipa nih a ka hmuhsak i ka hngalh.