2 SIANGPAHRANG 5:7 - Lai (Hakha) Common Language Bible 2006

⁷ Cun Israel siangpahrang nih ca cu a rel dih tikah a puan kha a thleh hna i, “Mi kha a that kho i a nunter khotu Pathian maw ka si i hi mipa nih hin mipa pakhat cu a thinghmui zawtnak damter awkah bia a rak ka cah? Ruat hmanh u law, zeitindah keimah he i siknak a kawl kha hngal tuah u,” tiah a ti.

2 SIANGPAHRANG 5:7 Խաչաձեւ Հղումներ

1 SAMUEL 2:6

Bawipa nih a thah tawn hna a nun zong a nunter tawn hna. Sheol ah a kalter tawn i a chuah zong a chuahter tawn hna.

1 SIANGPAHRANG 20:7

Cu tikah, Israel siangpahrang nih ram chung upa vialte kha a auh hna i, “I chingchiah hmanh u, hi pa i harnak tuah awk a kawl ning hi; ka sinah mi a rak thlah hna i ka nupile le ka fale le ka ngun le ka sui kha a ka hal i ka rak al lo,” tiah a ti.

GENESIS 30:2

Jakob cu Rachel cungah khan a thin a hung i, “Pathian ai cu ka rawlh kho lo. Fa ngei loin an umtertu cu Pathian pei a si cu,” a ti.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

LUKA 11:54

zei maw ti tal in bia a chim sualmi a um kho in a chim sualmi lila ah cun kan tlai kho hnga maw tiin thil tampi kong ah bia an hal lengmang.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

DANIEL 2:11

Bawipa nih nan tuah lai, tiah na kan timi hi a har tuk, a thi khomi minung hna sin i a um lomi pathian hna dah ti lo nih cun, ahohmanh nih an tuah kho lai lo, an ti.

LAMKALTU 14:14

Barnabas le Paul nih tuah an i zalhmi kha an theih tikah an puan kha an thleh i mibupi chungah cun an zuang cutmat i

MATTHAI 26:65

Cu bia a theih tikah cun Tlangbawi Ngan nih khan a puan kha a thleh i, “Cucu Pathian thangchiat a si. Tehte dang ahohmanh kan herh ti hna lo. Pathian thangchiatnak bia a chimmi cu nanmah nih nan theih ko cang.

JEREMIAH 36:24

Siangpahrang siseh, hi bia a theimi a sinum nih si hna seh, thinphannak a langhter i a puan a thlekmi ahohmanh an um lo.

2 SIANGPAHRANG 18:37

Cun siangpahrang inn zohkhenhtu Eliakim, Hilkiah fapa le caṭialtu Shebnah le cazin tlaitu Joah, Asaf fapa kha an puan tlek he Hezekiah sinah cun an ra i ralbawi ngan bik bia kha an chimh.

2 SIANGPAHRANG 11:14

cun a hei zoh tikah, a phung ningin siangpahrang cu tungpi hram i a dir i siangpahrang pawng i ralkapbu haotu hna le muko tumtu hna an um i cu rammi vialte an lung aa lawmh i muko an tum kha a hmuh. Cun Athaliah nih cun a puan kha a thleh hna i, “Rawinak a si! rawinak a si!” tiah a au.

DEUTERONOMI 32:29

Fim hna seh law cu, mah hi an hngalhthiam hnga, An hmailei donghnak kha an hmuh hnga!

NAMBAR 14:6

Cun Nun fapa Joshua le Jefunneh fapa Kaleb, ram a hung ngia thlaitu hna lak i aa tel vemi hna nih khan an puan an thleh i,

GENESIS 37:29

Reuben nih khan tikhor cu a va zoh ṭhan i Josef kha a rak um ti lo cu a hmuh tikah a ngaihchiatnak langhternak ah a thilpuan kha a thleh hna.

2 SIANGPAHRANG 5:6

Cun Israel siangpahrang sinah khan ca cu a rak put i ca chungah cun, “Hi ca nih hin an phak tikah, ka sal Naaman cu, nangmah nih a thinghmui zawtnak khan na rak damter nakhnga, na sinah ka rak thlah ti kha rak hngal tuah,” tiah aa ṭial.

GENESIS 50:19

Sihmanhsehlaw Josef nih cun a thawh hna i, “Nan thinphang hlah u; Pathian hmun ah khan keimah le keimah cu kaa chia kho lai lo.

2 SAMUEL 1:11

Khi tikah David nih a thilpuan kha aa tlaih riangmang hna i a thleh hna i cu bantukin amah sin i a ummi vialte nih khan an tuah ve;