2 SIANGPAHRANG 5:26 - Lai (Hakha) Common Language Bible 2006

²⁶ Sihmanhsehlaw amah cu a thawh i, “Nangmah ton awkah mipa nih a rangleng in a ṭum ah khan nangmah sinah khan thlarau in ka kal lo mei? Tangka le puan hna le oliv dum hna le mitsur dum hna le tuu hna le cawtum hna le salpa hna le salnu hna i lak caan a si maw?

2 SIANGPAHRANG 5:26 Խաչաձեւ Հղումներ

KOLOSE 2:5

zeicahtiah ka pum in a dang ah um hmanh ning law ka thlarau cun nan sinah ka um ko i Khrih chung i a ummi nan zumhnak ah fek tein hmunkhat ah nan dir ti kha ka hmuh caah ka lung aa lawm.

1 KORIN 5:3

Kei cu pum cun nan sinin lamhlatpi ah ka um nain lungthin cun nanmah sinah ka um ko. Cucaah cun cu bantuk thilṭhalo a tuahtu cungah cun, nanmah sin i a um vemi bantukin kan Bawipa Jesuh min in, biachahnak ka tuah cang.

2 SIANGPAHRANG 6:12

Cun a sinum pakhat nih a thawh i, “Ahohmanh kan um lo, ka bawipa, maw siangpahrang; sihmanhsehlaw Israel ram i a ummi profet Elisha nih na ihnak dal chung i na chimmi bia cu Israel siangpahrang kha a chimh,” tiah a ti.

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

MATTHAI 10:8

A zawmi kha va damter hna u, mithi kha va thawhter hna u, thinghmui kha va thianter hna u, khuachia kha va ṭhawl hna u. Nannih nih man pek loin nan hmuh i man pek loin va pe ve hna u.

PHUNGTHLÛKBIA 12:22

Bawipa nih lihchim hmangmi cu a huat hna, Sihmanhsehlaw miding cu a lawmh hna.

PHUNGTHLÛKBIA 12:19

Biatak cu zungzal in amah ningte a si ko, sihmanhsehlaw lih cu caan tawite lawnglawng a nung.

SALM 63:11

Pathian thawngin siangpahrang cu aa lawm lai; Pathian min in biakamnak a tuahmi vialte hna cu an i lawm lai, sihmanhsehlaw milihchim hna cu an kaa phih a si lai.

2 SIANGPAHRANG 5:16

Sihmanhsehlaw anih nih, “A rian ka ṭuanmi Bawipa a nun bangin, zeihmanh ka cohlang lai lo,” tiah a ti. Cun lak awkah a nawl len nain a duh lo.

GENESIS 14:23

na thil a simi paohpaoh, la fang pakhat le phanah hri tiangin zeihmanh kaa lak lai lo, ka ti. Cucaah cun nang zong nih zeitikhmanh ah, “Abram cu keimah nih pei ka rumter ko cu,” na ti kho ve lai lo.

LAMKALTU 20:33

Ahohmanh an ngun zong ka hngar hna lo, an sui zong ka hngar hna lo, an hnipuan zong ka mit an thi bal lo.

LAMKALTU 5:9

“Zeicahdah na va he nan pahnih in Bawipa Thlarau cu hneksak del awkah khua nan rak khan? Na va a va vuitu hna kha innka hram ah an um ko rih khih, nangmah zong an in kalpi ve lai,” tiah a ti.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

HAGGAI 1:4

“Hi inn hi rawk nelnul in a rilh ko lakah hin nannih cu inncung khuh ṭhaṭha a ngeimi inn i um cu a caan a si maw?