2 SIANGPAHRANG 5:15 - Lai (Hakha) Common Language Bible 2006

¹⁵ Khi tikah Pathian mi sinah khan, amah he a mi pawl vialte he an va kir i a hmaika ah khan a va dir cun aa thawh i, “Zohhmanh, Israel ram chungah dah ti lo ah cun, vawlei cung vialte ah Pathian a um lo ti kha ka hngalh; cucaah na sal sin hin laksawng cohlang tuah,” tiah a ti.

2 SIANGPAHRANG 5:15 Խաչաձեւ Հղումներ

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

2 KORIN 9:5

Cucaah hi kan unau hna hi ka hlanah nan sin i ratter i nan i kammi laksawng kha timhcia tein rak chiah cu a herh tiah ka ruah. Cun kei ka hung phak tikah timhcia te cun a rak um cang lai i hnekchommi si loin pek nan duh hrimhrim ca i nan pekmi a si kha a lang lai.

ROM 10:10

Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si.

DANIEL 3:29

Cucaah ahohmanh, mi zei miphun chung mi hmanh si ko uh, cun nan holh zong zei holh hmanh si ai kun, hi hna Shadrak le Meshak le Abednego hna Pathian a serhsatmi paohpaoh cu thlehbaoh dih nan si lai i nan inn kha chuh nan si lai, tiah keimah nih nawlbia ka chuah; zeicahtiah hi bantukin mi a khamh khotu pathian dang zeihmanh an um lo,” tiah a ti.

ISAIAH 45:6

Vawleicung mi vialte nih, nichuahlei in nitlaklei tiang, keimah cu Bawipa ka si i Pathian dang an um lo kha an hngalh nakhnga, hi bantukin ka tuah cu a si.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

2 SIANGPAHRANG 5:8

Sihmanhsehlaw Pathian mi Elisha nih Israel siangpahrang nih a puan a thleh hna ti kha a theih tikah, siangpahrang cu bia a hei cah i, “Zeicahdah na puan cu na thleh hna? Israel ram chungah profet a um ti kha a hngalh naklai, keimah sinah ratter tuah,” tiah a ti.

1 SIANGPAHRANG 18:36

Cun thlet thawinak caan ah khin profet Elijah cu a pawngah a ra i, “Maw Bawipa, Abraham, Isak le Israel i Pathian, nangmah cu Israel mi chungah hin Pathian na si i keimah cu na sal ka si i hi thil vialte hi nangmah bia in ka tuah ti kha nihin ah hin langhter ko.

1 SAMUEL 25:27

Cun na sal nih ka bawipa sinah ka rak putmi laksawng hi ka bawipa zultu tlangval hna cu pek si hna seh.

JOSHUA 9:9

Annih nih, “Bawipa na Pathian min ruangah ram hlat piin na sal hna hi kan ra; zeitindah Izipt ram ah a tuahmi vialte le

DANIEL 4:34

Caan tinhmi cu a tlin dih tikah keimah Nebukhadnezzar nih van lei khi ka hun zoh i ka lungthin kel ah khan ka kir ṭhan. Cung Nung Bik cu ka conglawmh i Zungzal Hmunmi Pathian cu ka hlorh i ka thangṭhat: Bawi a sinak cu a dong bal lo i a uknak cu chan vialte tiangin a hmun;

GENESIS 33:11

Nangmah caah ka rak phorhmi ka laksawng cu ka cohlanpiak ko hna; Pathian nih a ka zaangfah i ka herhmi vialte kha a ka pek ko,” a ti. Aa lak hlan lo a nawl lengmang.

JOSHUA 9:24

Annih nih Joshua cu an leh i, “Bawipa na Pathian nih a sal Moses kha hi ram hi a dihlak in nanmah kha pek awk le nan hmai in hi ram chung i a ummi vialte kha hrawh awkah nawl a pek ti kha fiang tein na sal hna kha an kan chimh i, cucaah nanmah ruangah hin kan nunnak kongah kan thin a phan ngaingai caah mah hi kan tuah.

1 SAMUEL 9:7

Cun Saul nih a sinum sinah cun, “Sihmanhsehlaw, kan kal ahcun mipa cu zeidah kan put khawh lai? Kan zal chung i changreu a dih cang caah Pathian mi cu laksawng zeihmanh put awk a um ṭung lo. Zeidah kan ngeih?” tiah a ti.

1 SIANGPAHRANG 13:7

Cun siangpahrang nih Pathian mi cu a thawh i, “Ka sinah ka inn ah ra law, i hrim tuah, laksawng kan ṭhenh lai,” tiah a ti.

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

2 SIANGPAHRANG 19:19

Cucaah maw Bawipa, kan Pathian, vawlei cung pennak vialte nih, maw Bawipa, nangmah lawnglawng hi Pathian na si ti kha an hngalh naklai, amah kut chung hin kan khamh ko, tiah kan nawl,” tiah a ti.