2 SIANGPAHRANG 5:10 - Lai (Hakha) Common Language Bible 2006

¹⁰ Cun Elisha nih cun a sinah lamkal pakhat a hei thlah i, “Va kal law Jordan tiva ah voi sarih in vaa kholh, cun na titsa cu a dam lai i na thiang lai,” tiah a ti.

2 SIANGPAHRANG 5:10 Խաչաձեւ Հղումներ

JOHAN 9:7

“Va kal law Siloam Tidil ah na hmai vaa phiah,” tiah a ti. (Siloam sullam cu Thlah ti a si). Cucaah mipa cu a va kal i a hmai cu a va phiah i khua hmu in a rak kir.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

LEVITIKAS 14:7

cun thinghmui zawtnak in thianh awk a simi cu voi sarih a theh lai i amah cu a thiang tiah a thanh lai i a nungmi va cu ramlak ah cun a thlah lai.

2 SIANGPAHRANG 5:14

Cucaah Pathian mi bia bangkhan a vung kal i Jordan tiva chungah voi sarih a vung i hnim i cun a titsa cu a dam i ngakchia note titsa bantuk a si i amah cu a thiang.

2 SIANGPAHRANG 4:41

Anih nih, “Changvut rak pu tuah u,” tiah a ti. Cun um chungah cun a paih i, “An ei awkah mi hna caah hin suak tuah u,” tiah a ti. Cun um chungah cun ṭih awk zeihmanh a um ti lo.

JOSHUA 6:4

Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai.

NAMBAR 19:19

cun a thiangmi pa nih a thiang lomi cu ni thumnak ni le ni sarihnak ni ah a theh lai; cu bangin ni sarihnak ni ah khan a tlengh lai i a hnipuan a suk hna lai i ti in a kholh lai i zanlei ah a thiang lai.

NAMBAR 19:4

Cun tlangbawi Eleazar nih a thi kha a kutdong in tlawmpal a lak lai i cu thi chung cun tlawmpal in tonnak thlam hmailei cu voi sarih a theh lai.

LEVITIKAS 16:19

Cun a cungah thi cu tlawmpal in a kutdong in voi sarih a theh lai i Israel mi an thian lonak cun a tlengh lai i a thianh lai.

LEVITIKAS 16:14

cun cawtum thi cu tlawmpal in a lak lai i a kutdong in velngeihnak ṭhutdan a hmailei cu a theh lai, cun velngeihnak ṭhutdan hmaika ah cun thi cu a kutdong in voi sarih a theh lai.

LEVITIKAS 14:51

cun sidar thing le husop le thil sen cu a nungmi va he tiah a lak hna lai i a luangmi ti cung i thahmi va thi ah khan a hnim hna lai i inn cu voi sarih a theh lai.

LEVITIKAS 14:16

cun a kehlei kut zapei kuar i a ummi chiti cu a orhlei kutdong in a tawh lai i chiti cu tlawmpal in Bawipa hmaiah voi sarih a theh lai.

2 SIANGPAHRANG 3:16

Cun amah nih cun, “Hi bangin Bawipa nih, ‘Hi a carmi tiva kuang hi tili in ka khahter lai,’ a ti.

2 SIANGPAHRANG 2:21

Cun ti chuahnak hramah khan a va kal i cite kha a va paih i, “Hi bangin Bawipa nih, hi ti hi ka thianter cang; hi hnuah cun thihnak siseh, naurawknak siseh, hi ti in a chuak ti lai lo, a ti,” tiah a ti.

2 SIANGPAHRANG 5:9

Cucaah Naaman cu a rang hna le a rangleng hna he an ra i Elisha inn innka hram ah cun an va dir.

2 SIANGPAHRANG 5:11

Sihmanhsehlaw Naaman cu a thin a hung i a kal i, “Zohhmanh, ka sinah a hung chuak lai i pei a dir lai i a Pathian Bawipa min kha a auh lai i ka thinghmui zawtnak zawn ah khan a kut a zao lai i mithinghmui hi a ka damter lai, tiah ka ruah.

EXODUS 4:18

Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.

LEVITIKAS 13:58

Sihmanhsehlaw puan tahmi siseh, phiarmi siseh, saphaw in sermi paoh siseh, nan suk tikah zawtnak nih a kaltakmi cu, a voi hnihnak nan suk ṭhan lai i a thiang lai.”

2 SIANGPAHRANG 4:35

Khi tikah a tho ṭhan i inn chungah cun aa chawk i a hung kal i a cungah cun a bawk ṭhan; ngakchia cu voi sarih a hung hathiao i ngakchia nih cun a mit a hun au.

JOHAN 5:4

A zei maw caan ah Bawipa vancungmi kha a vung ṭum tawn i ti cu a vung cangh tawn. Ti a cangh tikah aa paih hmasa bik paoh cu an zawtnak khan an dam tawn, cucaah cun cu mizaw hna cu ti cangh cu an hngak ko.)