2 SIANGPAHRANG 5:1 - Lai (Hakha) Common Language Bible 2006

¹ Siria siangpahrang i a ralkapbu haotu Naaman cu, Bawipa nih amah thawng in Siria cu teinak a pek caah, a bawipa mithmuh ah mi ngan le hmaizah ngaingaimi a si. Amah cu a ṭhawng i a ral a ṭhami a si, sihmanhsehlaw mithinghmui a si.

2 SIANGPAHRANG 5:1 Խաչաձեւ Հղումներ

LUKA 4:27

Profet Elisha chan ah Israel ram ah thinghmuimi tampi an rak um ko, sihmanhsehlaw Siria mi Naaman dah ti lo cu ahohmanh damtermi an um lo,” tiah a ti.

ROM 15:18

Pathian nawl ngaihnak i Jentail mi hna cu kalpi awkah, bia in siseh, tuahnak in siseh, hmelchunhnak le khuaruahhar ṭhawnnak in siseh,

PHUNGTHLÛKBIA 21:31

Raltuknak ni caah rangtum cu timh a si, Sihmanhsehlaw teinak cu Bawipa sinin a rami a si.

ESTHER 9:4

Mordekai cu siangpahrang inn chungah khan mingan a si i peng dihlak ah khan a min cu a thang chin lengmang i Mordekai cu nawl a ngei chin lengmang.

DEUTERONOMI 2:37

Ammon fapa hna ram, mah cucu, Jabbok tiva kam vialte le tlangram khua hna, mah hna bel cu le, Bawipa kan Pathian nih a kan thlauhmi hmun paohpaoh kha, kan naih hna lo.

ESTHER 10:3

Judah mi Mordekai cu Siangpahrang Ahasuerus changtu a si i a miphun hna ṭhathnemnak kha a kawl i a mi vialte hna sinah khan daihnak bia a chim caah Judah mi lakah khan mingan a si i a unau hna mi tampi lakah khan zapi duhmi a si.

2 SIANGPAHRANG 4:8

Ni khat cu Elisha cu Shunam ah a va kal i khika ah a rum minu pakhat a rak um i cu nu nih cun rawl ei a rak fial. Cucaah khika lei i a kal fate rawl ei awkah cuka ah cun a lut pah tawn.

EXODUS 11:3

Bawipa nih Izipt mi cu Israel cungah khan hmaizahnak a ngeihter hna. A ngaingai ti ahcun Izipt bawi pawl le mi zapi nih khan Moses cu mingan ngaingai pakhat ah an ruah.

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

JOHAN 19:11

Jesuh nih cun, “Ka cung i nawl na ngeih hi Pathian nih an pek ca lawngah a si. Cucaah nangmah kut i a ka chantupa hi a sual deuh,” tiah a ti.

2 SIANGPAHRANG 7:3

Cun kutka luhnak ah cun mi pali an um i annih cu mithinghmui an si; cun pakhat le pakhat kha bia an i ruah i, “Zeicah hen mah kah hin kan thih tiangin kan ṭhut ko?

2 SAMUEL 3:29

Dantatnak Joab lu cung le a pa innchungkhar vialte cungah tla ko seh; cun Joab chung hna lakah hin thil chuak a ngeimi siseh, thinghmui zawtnak a ngeimi siseh, lathlur a tlaimi siseh, vainam nih a thahmi siseh, rawl a pammi siseh, ṭhing bal hna hlah seh!” tiah a ti.

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

2 SIANGPAHRANG 5:2

Siria mi hna nih ral hranh i an kal tawnnak ah hin, voi khat cu Israel ram in ngakchianute pakhat hi an i tlaih Naaman nupi tuammuaitu ah a cang.