2 SIANGPAHRANG 4:42 - Lai (Hakha) Common Language Bible 2006

⁴² Baal-shalisha in mipa pakhat a ra i Pathian mi cu thlai thar, barli changreu tlang kul le rawl thar a sawngkhoi in a rak put. Cun Elisha nih, “Mi kha pe hna, ei hna seh,” tiah a ti.

2 SIANGPAHRANG 4:42 Խաչաձեւ Հղումներ

1 SAMUEL 9:7

Cun Saul nih a sinum sinah cun, “Sihmanhsehlaw, kan kal ahcun mipa cu zeidah kan put khawh lai? Kan zal chung i changreu a dih cang caah Pathian mi cu laksawng zeihmanh put awk a um ṭung lo. Zeidah kan ngeih?” tiah a ti.

JOHAN 6:13

Cucaah an char dih hna i mi nih an eimi barli changreu hlum nga khan a ṭiltlawt sei hleihnih khat an char.

JOHAN 6:9

“Hika ah hin barli changreu hlum nga le nga pahnih a ngeimi ngakchiapa pakhat a um, asinain cu tham cu mi hi vialte caah cun zei cang dah a kal hnga,” tiah a ti.

2 SIANGPAHRANG 7:1

Sihmanhsehlaw Elisha nih a thawh i, “Bawipa bia hi thei tuah: hi bangin Bawipa nih, Thaizing atu tik hrawngah hin Samaria khua hauka ah hin changvut dip rel khat cu shekel pakhat ah, cun barli rel hnih cu shekel pakhat ah zuar a si lai, a ti,” tiah a ti.

1 SAMUEL 9:4

Cun annih nih Efraim tlangram kha an ṭol, cun Shalisha ram kha an ṭol, sihmanhsehlaw an hmu hna lo. Cun Shaalim ram kha an ṭol, sihmanhsehlaw khika zongah an um lo. Cun Benjamin peng kha an ṭol, sihmanhsehlaw khika zongah an hmu hna lo.

1 KORIN 9:11

Nan lakah thlarau thlaici kha kan tuh, nan sinin vawlei cung thil kan zun ahcun cucu a tam tuk maw?

2 SIANGPAHRANG 4:38

Cun Elisha cu Gilgal ah, cuka ram i mangṭam a tlun lioah khan a ra. Cun profet fapa hna kha a hmai i an ṭhut lioah khan a sinum cu, “Um nganpi kha khing law profet fapa hna caah hin tihang chuang tuah,” tiah a ti.

DEUTERONOMI 32:14

Cawrun chung hnuk khal, Tuurun chung tuuhnuk, Tuufa hna thau le tuukawng hna thau, Bashan ram cawrun le meheh hna cu, Changvut lak i a ṭha bik he na ei hna i Mitsur hang thisen cu na din.

DEUTERONOMI 12:6

khika ah nan kal lai i khika ah nan khangh thawinak hna le nan raithawinak hna le nan cheu hra cheu khat hna le nan pekchanhmi pekchanhnak hna le, nan biakamnak pekchanhnak hna le nan mah lungthote pekchanhnak hna le nan saṭil run chung le nan tuurun chung i fater hna cu nan rak put hna lai;

DEUTERONOMI 8:8

changvut le barli le mitsur ruang le theipi kung le taleti le oliv thing le khuaihliti a tamnak ram a si;

EXODUS 23:16

Rawl Ṭuan Puai timi kha nan tuah fawn lai; cu puai cu nan lo chung i nan cinthlakmi rawl a theipar hmasa bik an zat caan ah khan a si lai. Kum dongh ah Thingthei Lawh Puai kha nan tuah lai, cu puai cu nan mitsur dum le nan thingthei dum in thingthei nan lawh hna caan ah khan a si lai.

GALATI 6:6

Khrihfa phung cawnpiak a simipa nih khan, thil ṭha a hmuhmi vialte cu a saya kha a hrawm awk a si.

1 SIANGPAHRANG 14:3

Cun changreu tlang hra, changreu thlum tlawmpal le khuaihliti thawl khat in i phorh law amah sinah cun va kal tuah; amah nih ngakchia hi zeitindah a um lai kha a rak in chimh lai,” tiah a ti.

2 SIANGPAHRANG 5:5

Cun Siria siangpahrang nih khan, “Va kal law, Israel siangpahrang cu ca ka kuat lai,” tiah a ti. Cucaah a kal i ngun talen pahra, sui shekel thong ruk he puai puan zun hra aa phorh.

NAMBAR 18:12

Chiti lakah a ṭha bik le mitsur hang le tirawl lakah a ṭha bik, Bawipa sinah an pekmi thei tlaiter hna cu, nangmah kan pek.

NAMBAR 18:13

An lo chung i theitlai a hmin hmasa bik, Bawipa sin i an rak putmi hna cu, na ta an si lai; na inn chung i a thiangmi paoh nih an ei khawh lai.