2 SIANGPAHRANG 4:39 - Lai (Hakha) Common Language Bible 2006

³⁹ Annih lak i pakhat cu ramlak ah tihang kawl ah a kal i ramlak i a khomi zun pakhat hi a va hmuh i cu zun cun a puan khat in um tlai cu a lawh i a ra i a can hna i tihang um chungah cun, zei an si ti hngalh loin, a paih hna.

2 SIANGPAHRANG 4:39 Խաչաձեւ Հղումներ

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

MATTHAI 15:13

Jesuh nih cun, “Vancung khua i a ummi ka Pa nih a phun lomi kung paoh cu phawi an si ko lai.

JEREMIAH 2:21

Nangmah cu mitsur ruang ṭha bikcem in kan phun, Ci ṭha in lakmi na si. A si kun ahcun, zeitindah na rawh i ramlak mitsur ruang ah na can kun?

ISAIAH 5:4

Ka dum caah hin tuah ka tlolhmi zei tal a um maw? Ka tlolhmi zeihmanh a um lo ahcun, zeicahdah mitsur thei a ṭhami a tlai lai tiah ka ruahmi tu tlai loin, a thormi lawng a tlai kun?

GENESIS 25:29

Ni khat cu Jakob kha pehang a rak chuang i cu lioah cun Esau kha ram vaihnak in a ra tlung.

1 SIANGPAHRANG 6:18

Cun innchung i sidar thing hna cu umruang le pangpar mui in an ṭial hna; a dihlak in sidar thing lawngte a si dih, lung cu pakhat hmanh a lang lo.

2 SIANGPAHRANG 4:38

Cun Elisha cu Gilgal ah, cuka ram i mangṭam a tlun lioah khan a ra. Cun profet fapa hna kha a hmai i an ṭhut lioah khan a sinum cu, “Um nganpi kha khing law profet fapa hna caah hin tihang chuang tuah,” tiah a ti.

2 SIANGPAHRANG 4:40

Cun ei awkah mi cu an suah hna. Sihmanhsehlaw tihang cu an ei lioah khan an ai i, “Maw Pathian mi, hi um chungah hin thihnak a um!” an ti. Cun annih nih an ei kho ti lo.

PHUNGTHLÛKBIA 19:2

Hngalhnak um ṭung lo duhnak lawng hi a ṭha lo, Namhnaw in a kalmi nih a lam kha a thlau tawn.