2 SIANGPAHRANG 4:38 - Lai (Hakha) Common Language Bible 2006

³⁸ Cun Elisha cu Gilgal ah, cuka ram i mangṭam a tlun lioah khan a ra. Cun profet fapa hna kha a hmai i an ṭhut lioah khan a sinum cu, “Um nganpi kha khing law profet fapa hna caah hin tihang chuang tuah,” tiah a ti.

2 SIANGPAHRANG 4:38 Խաչաձեւ Հղումներ

2 SIANGPAHRANG 8:1

Cun Elisha nih a fapa a rak nunter ṭhanmi minu sinah khan, “Tho law, na innchungkhar dihlak he kal u law, na pem khawhnak paoh ah va pem; zeicahtiah Bawipa nih mangṭam kha a kawh cang i hi ram cungah hin kum sarih chung a tla lai,” tiah a ti.

2 SIANGPAHRANG 2:3

Cun profet fapa hna, Bethel i a ummi kha Elisha sinah cun an ra chuak i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si, ka hngalh; dai tein um ko u,” tiah a ti.

2 SIANGPAHRANG 2:1

Cun Bawipa nih Elijah cu phuchim in van ah a cawi hnik tikah khan Elijah le Elisha cu Gilgal in an i thawh.

LAMKALTU 22:3

“Kei cu Judah mi, Silisia ram Tarsas khua i a chuakmi ka si, sihmanhsehlaw ka ca cawnnak cu hika Jerusalem khua ah hin Gamaliel kut tangah khan a si. Kan pupa hna Phungbia kha fel tein cawnpiak ka rak si i nihin i nanmah vialte tlukte hin Pathian leiah aa pumpemi ka rak si.

LUKA 10:39

Nau pakhat a ngei i a min cu Mary a si. Mary cu Bawipa ke hram ah cun a ṭhu i a cawnpiaknak kha a ngai.

LEVITIKAS 26:26

Cun nan i rinhcanhmi rawl kha ka chah tikah nu pahra nih changreu rawhnak pakhat ah nan changreu cu nan rawh lai i nan changreu cu a khing thlai tein pek ṭhan nan si lai; cun nan ei lai i nan i khimh lai lo.

LAMKALTU 15:36

Cu hnu caan tlawmpal ah khin Paul nih Barnabas cu a thawh i, “Va kal ṭhan u si law Bawipa kong kan chimnak khua paoh ah khan kan unau hna kha va tlawng ṭhan hna u si law zeitindah an um ti kha va zoh hna u sih,” tiah a ti.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

JOHAN 21:9

Tikam i an va chuah ah khan meiṭil i nga an rak emmi le changreu tlawmte kha an hmuh.

JOHAN 21:5

Jesuh nih cun a thawh hna i, “Tlangval hna, zeihmanh nan tlai lo maw?” tiah a ti hna. Annih nih, “Zeihmanh kan tlai lo,” tiah an leh.

LUKA 9:13

Sihmanhsehlaw Jesuh nih a rak thawh hna i, “Nanmah nih ta ei awk cu nan pek ko hna,” tiah a ti. Annih nih, “Kan ngeihmi cu dihlak ah changreu hlum nga le nga pahnih pei a si ko cu. Mizapi caah hin rawl cawk fial maw na kan duh?” an ti.

LUKA 8:38

Khuachia nih an chuahtak cang mipa nih khan Jesuh cu a nawl i, “Na sinah kal ve ko ning,” a ti. Sihmanhsehlaw Jesuh nih a donh i,

LUKA 8:35

Cu ti i thil a hung ummi zoh awkah mi cu an va kal. Jesuh sinah khan an va phan i khuachia nih an chuahtak cangmi pa kha a kehram ah puan i aih le lungfim tein a ṭhut kha an va hmuh i an dihlak in an thin a phang.

LUKA 4:25

Cucaah ka bia hi ngai hmanh u. Elijah chan i kum thum le a cheu khua a khen i Israel ram chung dihlak ah pam a tlun ah khan, cu ram chungah nuhmei tampi an rak um taktak ko,

MARKA 6:37

Jesuh nih cun a thawh hna i, “Nanmah nih ta ei awk cu nan pek hna,” tiah a ti hna. Annih nih, “A si ahcun, ngun tangka za hnih in rawl va cawk i anmah kha pek maw, na kan duhmi cu a si?” an ti.

EZEKIEL 24:3

Hi ral thawh hmangmi hna hi hla phuah hna law annih cu, hihi Bawipa bia cu an si tiah chim hna: Mei cungah um nganpi kha khing tuah, Khing law a chungah ti toih tuah;

PHUNGTHLÛKBIA 8:34

Ka bia kha a ngai i ka kutka ah nifa a um i ka innka pawngin a ka hngakmi cu milunglawm an si.

2 SAMUEL 21:1

David caan lioah cun kum thum chung, aa peh lengmang in mangṭam a tlung i David nih Bawipa hmai kha a kawl. Cun Bawipa nih, “Saul le a innchungkhar cungah thisen chuah mawhnak a um caah a si; zeicahtiah Gibeon mi kha a thah hna,” tiah a ti.

1 SAMUEL 19:20

Khi tikah Saul nih David kha lak awkah mi a hei thlah hna; annih nih profet bu cu an holh cukmak len ko le Samuel kha an cungah haotu in a um kha an va hmuh tikah, Saul nih a thlahmi hna cungah khan Pathian thlarau cu a tlung i annih zong an holh cukmak ve.

LUKA 2:46

A ni thumnak ni ah Biakinn chungah khan an va hmuh i cawnpiaktu Judah mi hna sinah khan a rak ṭhu i an bia kha a rak ngai i bia a rak hal len ve ko hna.

GENESIS 25:29

Ni khat cu Jakob kha pehang a rak chuang i cu lioah cun Esau kha ram vaihnak in a ra tlung.

2 SIANGPAHRANG 4:39

Annih lak i pakhat cu ramlak ah tihang kawl ah a kal i ramlak i a khomi zun pakhat hi a va hmuh i cu zun cun a puan khat in um tlai cu a lawh i a ra i a can hna i tihang um chungah cun, zei an si ti hngalh loin, a paih hna.

EZEKIEL 11:3

an i thawh i, ‘Caan sau nawn chung cu inn sak a um lai lo; khuapi hi sa chuannak um a si i kannih hi a chung sa cu kan si,’ an ti.

EZEKIEL 11:7

Cucaah hihi Bawipa chimmi bia cu an si: Khika i nan chiahmi ruak hna khi pei sa cu an si cu. Khuapi hi sa chuannak um cu a si taktak, sihmanhsehlaw hi khua chung hin kan chuah hna lai.

AMOS 7:14

Cun Amos nih cun Amaziah cu a leh i, “Kei cu profet ka si lo, profet fa zong ka si lo; saṭil khal le saikamor thing thei a cingmi ka si.

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

JOB 30:4

Rawl caah cite kung le hlingkung hnah kha an ṭawh hna i hmunphiah kung hram kha an cawh hna.