2 SIANGPAHRANG 4:36 - Lai (Hakha) Common Language Bible 2006

³⁶ Khi tikah Gehazi kha a auh i, “Shunam minu kha hei ko tuah,” tiah a ti. Cucaah a hei kawh. Cun a rung luh tikah, “Na fapa cu i lak tuah,” tiah a rak ti.

2 SIANGPAHRANG 4:36 Խաչաձեւ Հղումներ

HEBRU 11:35

Zumhnak in nu hna cu an mithi kha nun ṭhanterpiak an si. A dang cu a ṭha deuhmi nunnak i thawhter si kha an duh deuh caah, luatnak kha i lak duh loin hremnak in an thi.

LUKA 7:15

Mithipa cu a hung ṭhu i bia a hun chim i Jesuh nih a nu sinah khan a pek ṭhan.

1 SIANGPAHRANG 17:23

Cun Elijah nih ngakchia cu a lak i cungdot cun inn chungah a runpi i a nu kha a pek; cun Elijah nih a thawh i, “Zohhmanh, na fapa a nung hih,” tiah a ti.

1 SIANGPAHRANG 1:3

Cucaah Israel ram chung dihlak ah khan ngaknu dawhte cu an kawl i Shunam mi Abishag kha an va hmuh i siangpahrang sinah cun an ratpi.

2 SIANGPAHRANG 4:35

Khi tikah a tho ṭhan i inn chungah cun aa chawk i a hung kal i a cungah cun a bawk ṭhan; ngakchia cu voi sarih a hung hathiao i ngakchia nih cun a mit a hun au.

2 SIANGPAHRANG 4:37

Cun a ra i a ke hram ah a bawk i a lu a khun i a fapa kha aa lak i a chuak.

2 SIANGPAHRANG 6:7

Cun, “Hei la tuah,” tiah a ti. A kut in a hei banh i a lak.

2 SIANGPAHRANG 8:1

Cun Elisha nih a fapa a rak nunter ṭhanmi minu sinah khan, “Tho law, na innchungkhar dihlak he kal u law, na pem khawhnak paoh ah va pem; zeicahtiah Bawipa nih mangṭam kha a kawh cang i hi ram cungah hin kum sarih chung a tla lai,” tiah a ti.