2 SIANGPAHRANG 4:27 - Lai (Hakha) Common Language Bible 2006

²⁷ Cun tlang cungah Pathian mi sin kha a phak tikah, a ke kha aa tlaih. Cun amah cu namhlo awkah Gehazi cu a ra. Sihmanhsehlaw Pathian mi nih cun, “Um ko seh, zeitintiah amah cu a lungre a thei ngaingai; hi kong cu Bawipa nih ka sinin a thuh rih i a ka chim rih lo,” tiah a ti.

2 SIANGPAHRANG 4:27 Խաչաձեւ Հղումներ

2 SAMUEL 7:3

Cun Nathan nih siangpahrang cu a thawh i, “Va kal law na lung chung i a ummi paoh cu va tuah ko, zeitintiah Bawipa cu na sinah a um,” tiah a ti.

GENESIS 18:17

Cun Bawipa nih amah le amah cu aa thawh i, “Ka thil tuah laimi hi Abraham cu chim loin ka um kho lo.

MATTHAI 15:23

Sihmanhsehlaw Jesuh nih bia kaa khat hmanh a let lo. A zultu kha an ra i, “Hi nu hi kalter ko. A kan zul lengmang, a kan auhnawh lengmang i hna a kan hnawh,” tiah an ti.

AMOS 3:7

Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.

PHUNGTHLÛKBIA 18:14

Mi cu lungthin ṭhawng nih a zawt lio ah thazang a pek khawh, sihmanhsehlaw lungthin cu hma a in ahcun, aho nih dah a tuar khawh lai?

PHUNGTHLÛKBIA 14:10

Na lunglawmhnak cu nangmah tate a si, na ngaihchiatnak zong nangmah tate a si, Ahohmanh na hrawm kho hna lai lo.

JOB 10:1

“Ka nunnak hi ka fih; Ka phunzainak hi i sum hin loin ka chim ko lai; Lungfak hringhran in ka chim ko lai.

2 SIANGPAHRANG 6:12

Cun a sinum pakhat nih a thawh i, “Ahohmanh kan um lo, ka bawipa, maw siangpahrang; sihmanhsehlaw Israel ram i a ummi profet Elisha nih na ihnak dal chung i na chimmi bia cu Israel siangpahrang kha a chimh,” tiah a ti.

2 SIANGPAHRANG 4:25

Cuticun aa thawh i Karmel Tlang ah Pathian mi sin kha a phan. Pathian mi nih a rat kha a rak hmuh tikah a sinum Gehazi cu a thawh i, “Zohhmanh, khika i Shunam minu khi;

1 SAMUEL 1:10

Cun Hannah cu a lungre a thei ngaingai i Bawipa sinah thla a cam i lunghno ngai tein a ṭap.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

JOHAN 4:27

Cu liote ah cun Jesuh zultu pawl kha an hung kir; minu he bia an rak i ruah kha an hmuh hna tikah an khuaruah a har ngaingai. Sihmanhsehlaw ahohmanh nih minu cu, “Zeidah na herh?” tiah an ti lo i Jesuh zong cu, “Zeicahdah minu he khan bia nan i ruah,” tiah an hal lo.

LUKA 7:38

Jesuh hnulei ah cun a kehram ah khan a dir, a ṭap i a mitthli in a ke kha a cinter. Cun a ke i a mitthli cu a sam khan a hnawh i a hnamh hna i zihmui kha a toih hna.

MARKA 14:6

Sihmanhsehlaw Jesuh nih a thawh hna i, “Ngol ko u! Amah nan ti lengmangnak zei um hlah. Ka ca i a tuahmi hi aa dawhmi le a ṭhami thil a si ko.

MARKA 10:13

Jesuh sinah khan, a kut in rak tawng hna seh, tiah ngakchia tete kha an ratpi hna, sihmanhsehlaw a zultu hna nih khan cu hna cu an rak sik hna.

MATTHAI 28:9

Jesuh nih, duak tiah a vun ton hna i, “Nan sinah daihnak um ko seh,” tiah a ti hna. Amah cu an hun zuanhnawh i a ke an i tlaih i an biak.

MATTHAI 20:31

Mizapi nih cun an sik hna i dai u, tiah an ti hna. Sihmanhsehlaw thang chinchin in, “Maw David Fapa, kan zaangfah tuah, bawipa,” tiah an au.

2 SIANGPAHRANG 4:26

amah don awkah va tli ta duak law amah cu, Na dam maw? Na va a dam maw? Na fa a dam maw? va ti tuah,” tiah a ti. Cun anih nih, “Ka dam ko,” tiah a rak leh.