2 SIANGPAHRANG 4:2 - Lai (Hakha) Common Language Bible 2006

² Cun Elisha nih amah cu, “Zeidah kan tuahpiak lai? Ka chim tuah; zeidah innchung ah nan ngeih?” tiah a ti. Cun anih nih, “Na salnu nih hin, inn chungah chiti um khat dah ti lo cu zeihmanh ka ngei lo,” tiah a ti.

2 SIANGPAHRANG 4:2 Խաչաձեւ Հղումներ

1 SIANGPAHRANG 17:12

Cun anih nih a thawh i, “Bawipa, na Pathian a nun bangin, rawh ciami zeihmanh ka ngei lo, um chungah changvut pei khat lawng ka ngei i thawl chungah chiti tlawmte lawng ka ngei; cun atu hi ka tlun in mah cucu keimah le ka fapa ca i chuannak ding caah thinghreu pahnih thumte ka khawm hna; kan ei dih cun kan thi ko lai,” tiah a ti.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

2 SIANGPAHRANG 2:9

An tan dih tikah Elijah nih Elisha cu, “Nangmah sinin lak ka si hlan ah hin zeidah kan tuahpiak lai, ka hal tuah,” tiah a ti. Cun Elisha nih, “Na thlarau hi a let hnih in ka coter tuah tiah kan nawl,” a ti.

2 KORIN 6:10

kan ngaihchiatnak cu an tuah nain kan lung aa lawm zungzal, sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo.

LAMKALTU 3:6

Cun Peter nih a thawh i, “Sui le ngun zeihmanh ka ngei lo, sihmanhsehlaw ka ngeihmi cu kan pek lai: Nazareth khuami Jesuh Khrih min in, tho law kal, kan ti,” tiah a ti.

MATTHAI 15:34

Jesuh nih cun, “Changreu zeizat dah nan ngeih?” tiah a hal hna i, “Hlum sarih le nga hme tete tlawmte,” tiah an leh.

2 SIANGPAHRANG 4:3

Khi tikah anih nih, “Leng ah va chuak law na innpa vialte an um va hlang hna, um lawng, a tlawmtuai si loin.

EXODUS 4:2

Bawipa nih cun, “Naa putmi kha zeidah a si?” a ti. Moses nih, “Ṭhiangṭhunh,” tiah a leh.