2 SIANGPAHRANG 3:27 - Lai (Hakha) Common Language Bible 2006

²⁷ Khi tikah amah hmun ah bawi a si ding a fapa upa bik kha aa lak i ralhau cungah cun khangh thawinak caah a thawi. Cu tikah Israel mi hna cu an thin a hung ngaingai i amah sin cun anmah an ram lei ah khan an kir ṭhan.

2 SIANGPAHRANG 3:27 Խաչաձեւ Հղումներ

MIKAH 6:7

Bawipa cu tuukawng a thongthong le chiti a tiva in a luangmi kha pe ning law, cucu maw a duhmi cu a si hnga? Ka tuah sualmi tlanhnak caah ka fapa upa bik cu maw ka pekchanh lai? Ka sualnak caah khan ka fale cu maw amah cu ka pekchanh hna lai?

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

BIACEIHTU 11:31

Ammon mi hna sinin teinak he ka kir tikah keimah don awkah ka inn innka chungin a chuakmi paoh cu Bawipa ta a si lai i khangh thawinak caah ka pekchanh lai,” tiah a ti.

AMOS 2:1

Hihi Bawipa bia an si: Moab nih ṭhat lonak pakhat hnu pakhat a tuah lengmang caah A cung i dantatnak ka tlunter ding kha ka let lai lo. Annih nih Edom siangpahrang ruh kha vutcam ah cang lakin an khangh.

EZEKIEL 16:20

“Fanu, fapa na ka hrinpiakmi hna kha na lak hna i hi siasal hna hmaiah hin an rawl caah rai ah na thawi hna. Hlawh na hlannak nakin mah hihi a hme deuhmi thil a si maw?

BIACEIHTU 11:39

Cun thla hnih donghnak ah a pa sinah a ra kir i biakamnak a ser ciami ning khan a cungah a tuah. Zeitikhmanh ah pa a hngal bal lo. Cun Israel mi hna lakah phung ah a cang i

GENESIS 22:13

Abraham cu khua a hei hoi i tuukawng pakhat burbuk lak i a ki in a rak taan ko kha a hmuh. A hei fuh i a va lak i a fapa can ah khanghthawinak ah cun a thawi.

GENESIS 22:2

Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

1 SIANGPAHRANG 20:28

Cun Pathian mi pakhat nih Israel siangpahrang sinah cun a ra i, “Hi bangin Bawipa nih, ‘Siria mi hna nih, “Bawipa, cu tlang pathian pei a si ko cu, nelrawn pathian a si ṭung lo,” an ti caah, cucaah hi mibu nganpi hi a dihlak in na kut chungah kan pek lai i keimah cu Bawipa ka si kha na hngalh lai,’ a ti,” tiah a ti.

1 SIANGPAHRANG 20:13

Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.

1 SIANGPAHRANG 20:43

Cun Israel siangpahrang cu thinhung le hmaichia in a inn ah a kal i Samaria khua kha a phan.

2 SIANGPAHRANG 3:26

Moab siangpahrang nih an i dohnak kha ka celh ding a si lo tiah a hngalh tikah Edom siangpahrang lei khan bauh awkah vainam pumi za sarih aa kalpi hna; sihmanhsehlaw an pah kho lo.