2 SIANGPAHRANG 3:25 - Lai (Hakha) Common Language Bible 2006

²⁵ Cun annih nih khua kha an hrawh hna i vawlei ṭhatnak hmun vialte kha an phih dih i thingkung ṭha vialte kha an hau dih; a lung hna lawng kha Kir-har-eseth ah cun an tang i cu zong cu lungherh cheh thiam nih an kulh i an tei.

2 SIANGPAHRANG 3:25 Խաչաձեւ Հղումներ

JEREMIAH 48:36

An ngeihmi chawva vialte kha a rawk dih cang caah Moab le Kir-heresmi hna cu, mi nih mithi zunngaih hla thonglawi in an tum bantukin, ka lung nih a ṭah hna.

JEREMIAH 48:31

Cucaah Moab cu ka ṭah lai, Moab ram chung i a ummi hna paohpaoh caah cun lungfak ngaiin ka ṭap lai; Kir-heres mi hna cu ka ṭah hna lai.

ISAIAH 16:7

Harnak an in caah khan Moab mi cu an ṭap lai. Kir Heres Khua i rawl thawthaw an rak ei tawn kha an lung ah a hung pem tawn lai i an dihlak in an ṭap tawn lai, lung dong in an um lai.

2 SIANGPAHRANG 3:19

cun nannih nih kulhmi khua paohpaoh le khua ṭha vialte kha nan tei hna lai i thingkung ṭha vialte kha nan hau hna lai i ti putnak vialte kha nan phih hna lai i vawlei ṭhatnak hmun paohpaoh kha lung in nan hrawh hna lai,” tiah a ti.

ISAIAH 16:11

Moab caah ngaihchia in ka hram i Kir Heres caah lungfak in ka ai.

ISAIAH 15:1

Hi hi Moab kong bia a si: Zan khatte ah Ar khua le Kir khua cu hrawh an si i Moab ram cu a ning piin a daidup ko.

2 CHANRELNAK 32:4

Mi tampi kha an i pum i ram chung i a luangmi cerh hna le tiva tete hna kha an phih hna i, “Zeicahdah Assiria siangpahrang hna cu an rat lai i ti tampi an hmuh lai?” tiah an ti.

2 SAMUEL 8:2

Cun Moab kha a tei i tahnak hri in a tah hna i vawlei ah a ihter hna; tlang hnih cu thah awkin a tah i tlang khat cu pum tein zuah awkin a tah. Cun Moab mi cu David sal ah an cang i David sinah khan ngunkhuai an thawh.

BIACEIHTU 9:45

Cun cu ni cu chun nitlak in Abimelek nih khua kha a tuk; a tei i a chung i a ummi kha a thah hna; khua kha a hrawh cikcek i cite a phulh.

DEUTERONOMI 2:9

Cun Bawipa nih a ka chawnh i, ‘Moab cu awlokchonh hna hlah u, a tuk zong tu hna hlah u, zeitintiah annih ram cu co awkah zeihmanh kan pe hna lai lo, zeicahtiah Lot fapa hna cu Ar kha an co awkah ka pek cang hna.’

GENESIS 26:18

A pa Abraham a nun lio i Abraham salle pawl nih an rak cawhmi tikhor, Filistin mi nih an chilh dihmi kha a cawh ṭhan hna. Isak nih cun a pa nih min a rak bunhmi ṭhiamṭhiam kha a bunh hna.

GENESIS 26:15

Cucaah cun a pa Abraham a nun lio i Abraham salle nih an cawhmi tikhor vialte kha an chilh dih hna.

2 SIANGPAHRANG 3:24

Sihmanhsehlaw Israel mi riahhmun kha an phak tikah Israel mi cu an tho i Moab mi cu an ṭhuat ciammam hna i an hmai in an zam; cun hmailei ah an kal i an kalpah cun Moab mi cu an thah lengmang hna.

2 SIANGPAHRANG 3:26

Moab siangpahrang nih an i dohnak kha ka celh ding a si lo tiah a hngalh tikah Edom siangpahrang lei khan bauh awkah vainam pumi za sarih aa kalpi hna; sihmanhsehlaw an pah kho lo.