2 SIANGPAHRANG 25:4 - Lai (Hakha) Common Language Bible 2006

⁴ Khi tikah khua kulhnak kha an pemh i Khaldi mi cu khua velchum ah khan an um ko nain siangpahrang le a ralkap vialte cu zan ah siangpahrang dum pawng i a ummi vampang pahnih karlak i kutka khan an zam. Cun Arabah leiah khan an kal.

2 SIANGPAHRANG 25:4 Խաչաձեւ Հղումներ

EZEKIEL 33:21

Ral i kan taan kum hleihnih kum, thla hra thla, ni nga ni ah, Jerusalem khua in a rami ralzam pakhat ka sinah a ra i Jerusalem khua cu a rawk cang, tiah a ka chimh.

EZEKIEL 12:12

An siangpahrang fapa nih khan thil kha mui ah aa khinh lai i a chuahnak ding ca i an sermi awng khan a chuak lai, amah cu ahohmanh nih an hmuh khawh nakhnga lo le amah zong nih vawlei kha a hmuh khawh nakhnga lo, a hmai kha aa khuh lai.

JEREMIAH 5:10

A mitsur ruang tlar hna lakah cun hung kal law hung hrawk hna, Sihmanhsehlaw donghnak taktak cu hung tuah hlah; An nge cu hung sam dih hna, Bawipa ta an si lo caah.

NEHEMIAH 3:15

Cun Kolhozeh fapa Shallum, Mizpah peng a uktu nih khan Cerhti Kutka kha a remh; amah nih cun a ser ṭhan i a khuh i a innkhar hna le a hrenhnak awng hna le a hrenhnak fung hna kha a bunh hna; cun amah nih cun siangpahrang dum chung i Shelah Tidilnak vampang cu David Khua i a vung kalmi lamhbak tiang khan a remh.

2 SIANGPAHRANG 25:5

Sihmanhsehlaw Khaldi mi ralkap hna nih khan siangpahrang cu an dawi i Jeriko nelrawn ah khan an phak i a ralkap vialte cu a sinin an i ṭhek dih.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

2 CHANRELNAK 32:5

Rianṭuan awkah khan lung fek tein aa tim i a cimmi vampang kha a remh i a cungah innsang a sak i a lengah vampang dang pakhat a ser ṭhan; cun David khua i Millo kha fek chin in a tuah. Cun hriamnam le phaw kha tampi a ser hna.

ISAIAH 22:11

kulhnak vampang chungah khan tikhonnak inn nan sak i a hlunmi tidil in a rung luangmi ti kha nan khon. Sihmanhsehlaw hi thil vialte hlan piin a rak khangtu, hi thil a tluntertu Pathian cu zeihmanh ah nan rel lo.

JEREMIAH 4:17

Keimah kha a ka doh caah, Ral nih a velchum in an kulh dih, tiah Bawipa nih a ti.

JEREMIAH 4:29

Rang cung ralkap hna le thalkah thiam hna an thawng ah khua kip cu an zam dih; Lungkua chungah an lut, rambur lakah an i thup, lungpang ah an kai; Khua paohpaoh cu ṭiaotak an si dih, an chungah ahohmanh an um ti lo.

JEREMIAH 32:4

“Zedekiah Siangpahrang hi Babilon mi hna kut in a luat lai lo. Babilon siangpahrang sinah khan pek a si lai i amah cu hmaitonh tein a hmuh lai i a pum hrimhrim in a chawnh lai.

JEREMIAH 34:3

A kut chungin na luat lai lo, tlaih na si hrimhrim lai i a kut chungah chanh na si hrimhrim lai. Amah cu hmaitonh tein na hmuh lai i nan pum hrimhrim in bia nan i ruah lai, cun Babilon ah na kal lai.

JEREMIAH 38:18

Sihmanhsehlaw Babilon siangpahrang i a bawi hna sinah naa pek lo a si ahcun, hi khua hi Khaldi mi hna kut chungah pek a si lai i an khangh lai i nangmah zong an kut in na luat lai lo,” tiah a ti.

JEREMIAH 44:30

Hi bangin Bawipa nih a ti: Judah siangpahrang Zedekiah cu a nunnak thah awkah a kawltu a ral Babilon siangpahrang Nebukhadnezzar sinah ka pek bantuk khan Izipt siangpahrang Faro Hofra cu a ral hna kut chung le a nunnak hrawh awk a kawlmi hna kut chungah khan ka chanh lai,” tiah a ti.

ṬAHNAK HLA 1:3

Saltang harnak chungah le A dong lo rian hrang ṭuannak chungah Judah cu a lut cang, Miphun hna lakah khua a sa i dinhnak hmun a hmu lo; Amah a harnak chungah khan A dawitu hna nih khan an phak.

ṬAHNAK HLA 1:6

Zion fanu sinin lianhngannak vialte a lo cang, A bawi hna cu, ram ṭam awk hmu kho loin a zam lengmangmi sakhi, ba cikcek in sakap nih an dawimi bantuk an si.

EZEKIEL 12:4

Na thil kha chuah hna law ral taannak chung i a kal ding bantukin i tim; an hmuhhngan te ah chun ah tuah law cun zanlei ah cun an hmuh hngan ṭhiamṭhiam ah saltannak chung i a kal dingin na inn in i thawh tuah.

EZEKIEL 12:14

Amah a cawngtu ralkap hna le a ralkap bu vialte kha thlitu pali lakah ka ṭhek dih hna lai i phawi cia vainam he ka zulh hna lai.

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

ISAIAH 22:3

Nan haotu vialte kha, an zam dih i thal fang khat thlah hlanah an ral nih an tlaih dih hna.