2 SIANGPAHRANG 25:1 - Lai (Hakha) Common Language Bible 2006

¹ A bawi a kum kuanak, thla hranak thla, a ni hra ni ah, Babilon siangpahrang Nebukhadnezzar nih cun a ralkap vialte he Jerusalem cu a rathnawh i an dum; cun raldohnak chuntlung kha a velchum in an ser.

2 SIANGPAHRANG 25:1 Խաչաձեւ Հղումներ

ISAIAH 29:3

Khua cu Pathian nih a tuk lai, a kulh lai i a hren lai.

1 CHANRELNAK 6:15

Nebukhadnezzar kut in Judah le Jerusalem cu saltannak chungah Bawipa nih a thlak tik hna ah Jehozadak cu saltannak chungah a kal.

EZEKIEL 26:7

Bawipa Pathian bia cu hihi a si: Tair dohtu dingah hin chaklei in Babilon siangpahrang Nebukhadnezzar, siangpahrang hna siangpahrang chin kha ka ratpi lai. Rangtum hna le rangleng hna le rangcung ralkap hna le ralkapbu nganpi he a ra lai.

JEREMIAH 51:34

Zion i a ummi hna nih, Babilon siangpahrang Nebukhadnezzar nih a kan ei i car dihlak in a kan dawp, Um lawng bantukin a kan toh. Rulpi bangin a kan dolh, Kan sa thawthaw in a paw cu a khahter i a kan luak.

JEREMIAH 43:10

Na tuah lio cu Judah mi nih in hmu hna seh law annih cu, ‘Mah hihi Ralkapbu Bawipa, Israel Pathian bia cu a si, tiah chim hna: Babilon siangpahrang Nebukhadnezzar ka sal cu ka cah lai i hika i ka benhmi lung cungah hin a bawiṭhutdan cu a toh lai i an cungah hin a thladem zarhnak cu a samh lai.

JEREMIAH 32:28

Cucaah hi khuapi cu Babilon siangpahrang Nebukhadnezzar le a ralkap hna sinah ka pek lai i annih nih an lak lai.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 27:8

Zei miphun hmanh si hna seh, zei ram hmanh si hna seh, hi Nebukhadnezzar, Babilon siangpahrang hi a rian a ṭuan duh lo i a hngawngkual tangah hin a hngawng chiah a duh lomi cu, cu hna cu vainam le mangṭam le rai in, amah kut tang i ka umter dih hna hlan tiang, dan ka tat hna lai,’ tiah Bawipa nih a ti.

2 SIANGPAHRANG 24:10

Khi caan ah khan Babilon siangpahrang Nebukhadnezzar sal hna cu an hung i Jerusalem khua kha an dum.

2 SIANGPAHRANG 24:1

Amah chan ah cun Babilon siangpahrang Nebukhadnezzar kha a hung i Jehoiakim cu kum thum chung a sal ah a cang; sihmanhsehlaw aa let i a doh.

2 SIANGPAHRANG 25:2

Cuticun Siangpahrang Zedekiah a bawi kum hleikhatnak tiang khua cu an kulh.

JEREMIAH 4:17

Keimah kha a ka doh caah, Ral nih a velchum in an kulh dih, tiah Bawipa nih a ti.

JEREMIAH 6:3

Amah sinah cun tuukhal hna kha an tuurun cio he an rak chuak tawn i A velchum ah cun an thlam kha an bunh hna, An hmun cio ah khan an saṭil run kha an tlong tawn.

JEREMIAH 21:2

“Babilon siangpahrang Nebukhadnezzar nih a kan tuk caah hin Bawipa cu rak kan halpiak tuah. Bawipa nih cun hlanah a rak tuah tawn bantuk khan khuaruahharnak a hei tuah ko hnga i Nebukhadnezzar nih a kan kulhnak hi a lak zong a hei lak ṭhan ko hnga,” a ti.

JEREMIAH 32:1

Judah siangpahrang Zedekiah a bawi kum hra kum ah Jeremiah sinah Bawipa bia kha a phan, cu kum cu Nebukhadnezzar a bawi kum hleiriat kum a si ve.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

EZEKIEL 21:14

Sihmanhsehlaw mipa, nang cu bia chim law na kut kha beng hna; Vainam kha voi hnih voi thum in lek; Cu nam cu mi thahnak nam a si, an velchum in aa mer lengmangmi mi thahnak nam nganpi a si.

EZEKIEL 40:1

Sal i kan tan a kum kul le kum nganak, cu kum a hramthawk thla, a ni hra ni ah, cu ni hrimhrim ah cun Pathian kut cu ka cungah a phan i khika ah a ka kalpi, cucu khuapi a rawk hnu kum hleili kha a si.

DEUTERONOMI 28:52

Nan ram chung dihlak i nan i bochanmi a sang le a fekmi ralhau an chimh dih tiangin, nan khua kip ah an in hren hna lai; Bawipa nan Pathian nih an pekmi hna nan ram chung dihlak ah nan khua kip ah an in hren hna lai.

2 SIANGPAHRANG 25:8

Thla nganak thla, a ni sarihnak ni ah, cucu Babilon siangpahrang Nebukhadnezzar Siangpahrang a bawi kum hleikuanak a si — Babilon siangpahrang sinum, a pum ralvengtu haotu Nebuzaradan kha Jerusalem ah a ra.

2 CHANRELNAK 36:11

Zedekiah cu pen hram a thawk ah kum kul le kum khat a si i Jerusalem in kum hlei khat a bawi.

JEREMIAH 32:2

Cu caan ah cun Babilon siangpahrang ralkap hna nih Jerusalem kha an kulh i profet Jeremiah cu siangpahrang bawi inn he aa pehmi ralvengtu hna inn tual ah khan thong ah a tlak lio a si.

JEREMIAH 52:1

Zedekiah cu siangpahrang a si tikah kum kul le kum khat a si i Jerusalem ah kum hleikhat a bawi. A nu min cu Hamutal a si i amah cu Libnah khuami Jeremiah fanu a si.

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.